फ्लाईओभरको शुक्रबार अपराह्रन ४ बजे प्रधानमन्त्री केपी शर्मा ओलीसहित मन्त्री तथा सचिवहरुको उपस्थितिमा उद्घाटन गर्ने कार्यक्रम तय गरिएको छ ।
२ वर्षभित्र सम्पन्न गर्ने गरी २०७८ पुस २७ मा निर्माण सुरु भएकाे फ्लाईओभर निर्माणको कार्य भने तोकिएको समयमा सम्पन्न हुन सकेन । ठेकेदार कम्पनी आशिष–समानान्तर–रेलिगियर जेभीले निर्माणको ठेक्का पाएको थियो । ठेकेदार कम्पनीले पनि फ्लाइओभर परियोजनामा अन्तराष्ट्रिय प्रविधि प्रयोग गरेको जनाएको छ ।
इन्जिनियरिङ, प्रोक्युप्मेन्ट एण्ड कन्ट्रक्सन(इपीसी) मोडेलमा निर्माण गर्ने गरी ठेकेदार कम्पनीले १७ करोडमा उक्त ठेक्का प्राप्त गरेको थियो । ठेक्का सम्झौता अवधिमा फ्लाइओभरको सम्पूर्ण काम नसक्दा ठेकेदार कम्पनी पेनाल्टीमा समेत परेको छ ।
ठेकेदारले फ्लाइओभर निर्माण कार्य ३ बर्ष ४ महिनामा सम्पन्न गरी सरकारलाई हस्तान्तरण गर्दैछ ।
