पत्रकार सम्मेलनमा इप्पानका अध्यक्ष गणेश कार्कीले सरकारले लिएको २८ हजार ५ सय मेगावाट विद्युत उत्पादनका लागि लगानी जुटाउने उद्देश्यले पावर समिट गर्न लागिएको बताए ।
उनका अनुसार, २८५०० मेगावाटको लक्ष्य पूरा गर्न ६२ खर्ब आवश्यक छ । त्यसमध्ये पनि ५० खर्ब रकम विदेशी लगानी आवश्यक पर्ने भएको बताए । उनका अनुसार, हाल ३ हजार मेगावाटका आयोजना फाइनान्सियल क्लोजर भएको बताए ।
उनले निजी क्षेत्रलाई विद्युत व्यापार अनुमति दिएमा लक्ष्य पूरा गर्न सहयोग पुग्ने बताए ।
पावर समिट आगामी असोज १ र २ मा हुने इप्पानले जनाएको छ । पावर समिटमा ३० देशभन्दा बढी देशका लगानीकर्ताको सहभागीता रहनेछ ।
