एमएडब्लू वृद्धिले नेपाल ल्याएको डोङफेङ नामी–०६ काठमाडौं आइपुगेसँगै नाडा अटो शो २०२५ मा प्रदर्शनी गर्ने तयारी भइरहेको कम्पनीले जनाएको छ । उक्त नयाँ मोडलका गाडीहरु आगामी नाडा अटो शोमा प्रदर्शनीमा राखिने कम्पनीले जनाएको छ ।
‘हाम्रो गाडी काठमाडौं आइपुगेको छ । नयाँ मोडल भएको कारण यसको परीक्षण लगायतका काम सक्नु पर्ने हुन्छ । त्यो सकेर आगामी नाडा अटो शो २०२५ मा प्रदर्शनी गर्ने तयारीमा छौं’, कम्पनीले जनाएको छ।
कम्पनी एमएडब्लूले नामी–०६ एसयूभी विभिन्न तीन भेरियन्टमा ल्याउने भनेर मूल्यसूची प्रकाशित गरेको थियो । कम्पनीले ई१, ई–२ र ई–२ प्लसगरी तीन भेरियन्ट ल्याउने जनाएको छ । ब्याट्री साइज भने दुई फरक पाउन सकिन्छ । ई–१ र ई–२ मा ४४.९४ किलोवाट आवरको ब्याट्री रहनेछ । टप भेरियन्ट ई–२ प्लसमा ५१.८७ किलोवाट आवरको ब्याट्री हुनेछ ।
नामी–०६ एसयूभीको लम्बाइ ४३०६ एमएम, चौडाइ १८६८ एमएम र उचाइ १६४५ एमएम छ । यसमा रहेको २७१५ एमएम लामो ह्वीलबेसले आरामदायी यात्राको लागि सहयोग गर्छ । यसको साइज देख्दा अधिकांश घरायसी पार्किङमा सहजै पार्क गर्न सकिन्छ ।
