पछिल्ला कारोबार दिनमा कारोबार रकममा समेत संकुचन आएको छ । बुधबार ७ अर्ब ६३ करोड १३ लाख रुपैयाँ बराबरको शेयर कारोबार भएको छ । घट्दो अवस्थामा रहेको बजारले लगानीकर्ताहरु आजित भएका छन् ।
बजार ३ हजारको विन्दुमा पुगेर घट्न सुरु गरेको हो । सो विन्दुबाट घट्दा बजार अझै धेरै घट्ने हो कि भन्ने आंशकाले लगानीकर्ताहरु डराएका हुन । बजार घट्ने भन्दा बढ्ने आधारहरु बलिया छन् । बजारमा सामान्य करेक्सनमा लगानीकर्ता डराएर यति घटेको हो । अब यो विन्दु भन्दा धेरै अंकको गिरावट हुने सम्भावना कम भएको जानकारहरुको भनाई छ । अबको बजारमा डराएर शेयर बिक्री गर्ने होइन । करेक्सनको गति कमजोर भएको छ । छिट्टै बजारले राम्रो गति निर्धारण गर्ने बुझाई छ ।
