कार्यालयको अनुसार कर्णाली राजमार्ग अन्तर्गत जुम्ला–कालिकोट सडक खण्डको खाँडाचक्र नगरपालिका–१० गोलुवा भन्ने स्थानमा शुक्रबार बिहान करिब साढे ८ बजेतिर जिप दुर्घटना भएको हो ।
जिप सडकबाट करिब १०० मिटर तल खसेको प्रहरी कार्यालय कालिकोटले जनाएकाे छ । घाइतेहरूलाई उद्धार गरेर जिल्ला अस्पताल कालिकोटमा ल्याइएको छ । घाइतेमध्ये ५ जनाको अवस्था गम्भीर रहेको प्रहरी कार्यालय कालिकोटकाे भनाई छ । उनीहरूको पहिचान भने खुलेको छैन ।
