यहाँ हरेक वर्ष औसत १७० देखि १८० दिनसम्म हिउँ परिरहने हुनाले लामो र गुणस्तरीय पाउडर स्नोको मजा लिन सकिन्छ । अल्ताईको जेरेसाटी, हेमु र कनास क्षेत्रका स्की रिसोर्टहरूमा नयाँ सिजनको स्वागतमा विशेष समारोह आयोजना गरिएको थियो ।
यो सिजनमा चीनभरि तथा विदेशी पर्यटकहरूको उल्लेख्य आगमन हुने अपेक्षा गरिएको छ। विशेषगरी दक्षिण कोरिया, रुस र मध्य एसियाली देशका स्की प्रेमीहरूको पहिलो रोजाइ बन्दै आएको अल्ताईमा यसपालि नयाँ लिफ्टहरू, थप होटल र सुधारिएको सुरक्षा व्यवस्था पनि थपिएको अधिकारीहरूले जनाएका छन् ।
अल्ताईको हिउँ विश्वकै उत्कृष्टमध्ये एक हो । हिउँ पर्यटनको यो सिजन मे महिनासम्म चल्ने अनुमान गरिएको छ । स्की तथा स्नोबोर्ड प्रेमीहरूका लागि अल्ताई फेरि एकपटक “हिउँको राजधानी” बनेको छ ।
