उक्त एसयूभी अर्को वर्ष बिक्रिका लागि बजारमा आउने अपेक्षा गरिएको छ । कम्पनीका अनुसार, यो एसयूभी २०२६ को सुरुमा नै लन्च गर्ने तयारी छ ।
यसमा टाइगर नोज ग्रिल, टी आकारको एलईडी डीआरएल, उठेको बोनट, स्क्वायर अफ उच्चारण गरिएको ह्रवील आर्च, २३५/५५ आर१९ टायरसहितको १९ इन्चको अलोय ह्वील, फ्लाग टेलगेट र कनेक्टेड टेलम्याम्पहरु समावेश छन् ।
ग्लोबल स्पेक सोरेन्टको लम्बाइ ४.८ मिटर र यसको ह्वीलबेश भने २८०० मिमि रहेको कम्पनीले जनाएको छ । यस एसयूभीको आधिकारीक रुपमा धेरै आन्तरिक विवरण तथा सुविधाहरु खुलासा हुन बाँकी नै छ ।
त्यस्तै यस एसयूभीमा प्यानोरामिक कर्भ स्क्रिन सेटअप, डुअल जोन स्वचालित जलवायु नियन्त्रण, वायरलेस एन्ड्रोइड अटो, एप्पल कारप्ले, वायरलेस चार्जिङ प्याड, १२–स्पीकर बोस साउन्ड सिस्टम, ३६० डिग्री क्यामेरा र धेरै एयरब्यागहरु समेत समावेश छन् । क्याबिन भित्र रोटरी डायल गियर भएको यो एसयूभी हाइब्रीड भेरियन्ट हो भनेर पुष्टि गरिएको छ ।
नयाँ सोरेन्टो एसयूभीमा १.६ लिटर टर्बो पेट्रोल–हाइब्रीड र १.६ लिटर प्लग–इन हाइब्रीड, २.५ लिटर पेट्रोल र २.५ लिटर टर्बो पेट्रोलसहित धेरै इन्जिन विकल्पहरु रहेका छन् ।
किया इन्डियाका अनुसार, भारतमा किया सोरेन्टोको मूल्य लगभग ३५ लाख भारतीय रुपैयाँ हुने अनुमान गरिएको छ । लन्च हुँदा यसले स्कोडा कोडियाक, टोयटा फर्चुनर र एमजी ग्लोस्टरजस्ता एसयूभीसँग मुख्य प्रतिष्पर्धा गर्ने कम्पनीले जनाएको छ ।
