विराटनगरले दिएको १३६ रनको लक्ष्य पछ्याएको जनकपुरले २० ओभरमा ९ विकेट गुमाएर १२६ रन मात्र बनाउन सक्यो ।
जनकपुरको लागि निकोल लोफ्टी इन्टोनले सर्वाधिक ४१ रन बनाए । त्यस्तै लाहिरु मिलान्था २३, आसिफ शेख १३, कप्तान अनिलकुमार शाह ४, सन्जय कृष्णमुर्ति २० र मायन यादव ४ रन बनाए ।
कप्तान सन्दीप लामिछानेले ४ ओभरमा ११ खर्चेर ४ विकेट लिएपछि विराटनगरले जीत हासिल गरेको हो । बिराटनगरका सूर्य तामाङले २, मार्चेन डि लिंगेले र शिभम रन्जनेले एक, एक विकेट लिए ।
त्यसअघि ब्याटिङ गरेको विराटनगरले २० ओभरमा ७ विकेट गुमाएर १३५ रन बनाएको थियो । विराटनगरका लागि शिवम रन्जानेले सर्वाधिक ३७ रन, बसिर अहमद ३६, ओपनर लोकेश बम २८, जर्ज मुन्से १०, गप्टिल मार्टिन १३ र नारायण जोशीले २ रन बनाए ।
बलिङ जनकपुरका संगित कुरे र रुपेश सिंह २,२ र आदित्य मेहताले एक विकेट लिए ।
