सचिव घिमिरेले भने–‘हामीलाई के लाग्नसक्छ भने हामीले जे गरिरहेका छौं, ठिक गरिरहेका छौं । एउटै काम रिपिट हुने भएकाले हामी कर्मचारीहरु यथास्थीतिवादी हुन्छौं । व्यवसायीहरुलाई सहजिकरण गर्ने सन्दर्भमा हाम्रो माइण्ड एउटा बक्स भन्दा बाहिर आउन सकिरहेको हुँदैन । त्यो बक्सभन्दा बाहिर जाने प्रयास गर्नुपर्छ । सानो कुराले पनि असर गर्छ । सेवाग्राहीलाई एउटा कुर्सी राखिदिएर उहाँहरु बस्न पाउनुभयो भने पनि त्यसले पोजेटिभ काम गर्छ । ठुलो कुरा गर्न पर्दैन । राम्रो सँग बोलिदिने हो भने पनि असर गर्छ । कन्फुजन भएर बसेकाहरुलाई गिज्जाउने होइन, उहाँलाई सुविधा दिनुपर्छ ।’
निजी क्षेत्रले पनि उद्यमशीलताको हिसावले सोच्न जरुरी रहेको उनको भनाइ छ । उद्योग सचिव कृष्णबहादुर राउतले औद्योगिक नीतिलाई अब बदल्ने बेला आएको बताए । उनकाअनुसार विश्व परिवेश दिनदिनै परिवर्तन भएकाले त्यसलाई सम्बोधन गरेर नयाँ नीति ल्याउनुपर्ने आवश्यकता छ र सोहीअनुसार मन्त्रालयले काम गरिरहेको छ ।
सचिव राउतले भने–‘अलि पुरानो २०६७ सालको औद्योगिक नीतिलाई परिमार्जनको हिसाबले हामीले काम गरिरहेका छौं । गत वर्ष सातै प्रदेशमा काम गरेका थियौँ । यो वर्ष अन्तिम रुप दिइनेछ ।’
उद्योग विकास रणनीति ल्याएर उद्योग क्षेत्रको विस्तारका लागि काम अघि बढाइने उनको भनाइ छ ।
