अघिल्लो कारोबार दिन अर्थात मंगलबार ५.३२ अंक बढेर २६५५.९९ विन्दुमा बन्द भएको नेप्से, यस दिन सो सेसनमा ५.७१ अंक बढेर २६६१.७० विन्दुमा पुगेको छ। सो सेसनमा सेन्सेटिभ इण्डेक्स भने ०.९२ अंक बढेको छ।
बुधबार प्रि ओपन सेसनमा ६६ स्टकको १३० पटकको कारोबारमा १६ लाख ३२ हजार ९३९ रुपैयाँ ८० पैसाबराबरको ४ हजार ७६८ कित्ता शेयर खरिदबिक्री भएको छ। जसमध्ये ३४ स्टकको मूल्य बढेको छ भने २६ स्टकको मूल्य घटेको छ। बाँकी ६ स्टकको मूल्य भने सो सेसनमा स्थिर रहेको छ।
