नेकपा एमालेको एघारौं महाधिवेशनमा नयाँ नेतृत्व चयनका लागि भएको मतदान सकिएको छ ।मतदानमा अनुपस्थित रहेका ३६ जना मध्ये अधिकांश ज्ञवालीलाई आदर्श मान्ने ओली पक्षका नेता कार्यकर्ताहरु रहेकोले त्यस्तो अवस्था देखिएको एमाले नेताहरुको बुझाई छ । 

३६ मध्ये ५ जना जति पोख्रेल पक्षका र अरु ओली पक्षका रहेको दावी एक एमाले नेताले गरे । प्रदिप ज्ञवालीको कारण ओली पक्षमा लागेकाहरु महाधिवेशनभर नै निराश देखिन्थे र उनीहरु मतदानबाट ज्ञवालीमाथि भएको अन्यायको जवाफ दिने बताइरहेको अवस्थामा उनी निकटकै नेता कार्यकर्ता मतदानमा सहभागि नहुनु अर्थपूर्ण भएको चर्चा एमालेवृतमा चलिरहेको छ । खासगरि काठमाडाैँमै रहेका र महाधिवेशनका अन्य कार्यक्रमहरुमा सहभागि रहेका ज्ञवाली पक्षका राजेन्द्र अर्याल, घनश्याम कोइराला, समिर नेपाललगायतले मतदानमा सहभागि नहुनुलाई अर्थपूर्णरुपमा लिइएको छ ।

‘बहिस्कार भन्दा अर्काे अर्थ लाग्ला, तर यो पार्टीभित्र अमुक व्यक्तिहरु सधैभरि हर्ताकर्ता भैरहने र इमान्दारहरुलाई पेल्नेहरुको विरुद्ध विद्रोह हो । जसरी महासचिव बनाइनु पर्नेमा आफूलाई उपाध्यक्षमा थन्काउने रणनीति विरुद्ध प्रदिप ज्ञवालीलेले मौन विद्रोह गर्नु भयो । हामीले पनि काठमाडाैँमा भएर रातीसम्म मतदानस्थलमा बसे पनि भोट बहिस्कार गरेर अर्काे विद्रोह गर्यौं । मतदान गर्नेहरुले पनि त्यस्तै गर्नु भएको छ’ मतदान नगर्ने मध्येका एक एमाले कार्यकर्ताले मेरो लगानीसंग भने ।

मतदान नगर्नेको नामावाली

केन्द्रीय कमिटीबाट

• मुकुन्द न्यौपाने
• बसन्त नेम्वाङ
• बालकृष्ण काउछामगर
• ब्रिजेश गुप्ता
• राजकुमार गुप्ता
• हरिबहादुर राजवंशी

अनुशासन आयोग

• कुमार नेपाल
• सरस्वती गौतम
• सतिलाल राजवंशी
• प्रदीप प्याकुरेल (सुशील) – उपस्थित भएको तर कार्ड नभएको

निर्वाचन आयोग

• समिर नेपाल
• रचना राजोपाध्याय

लेखा आयोग

• अशोक केसी
• विभाग
• घनश्याम कोइराला
• सन्जीव रोकाहा
• कृष्णमाया भुजेल– झापा
• लक्ष्मी यादव– बारा
• शत्रुधन प्रसाद सिंह– सिरहा
• राजेन्द्र प्रसाद यादव– पर्सा
• अंशु आनन्द– पर्सा
• मनोज कुमार गुप्ता– पर्सा
• विजय कापर– सप्तरी
• जितेन्द्र चौधरी– महोत्तरी
• सिर्जना नेपाली, प्रवास
• अशिम कोइराला, प्रवास
• दिनेश बास्तोला, प्रवास
• बालुका बेलबासे, प्रवास
• गिरिराज बेलबासे, प्रवास
• मिना पोखरेल, प्रवास
• राजेन्द्र अर्याल, गुल्मी
• तेजकुमार बिक
• पल्वराज भट्ट, कन्चनपुर
• तिलक रिजाल, दैलेख
• गोमा नेपाली, कालीकोट
• दानबहादुर बिक
• बब्लु शिवाकोटी

स्मरणरहोस् काठमाडौंको भृकुटीमण्डपमा बुधबार बिहान करिब सवा ९ बजेदेखि सुरु भएको मतदान झण्डै साढे २२ घण्टापछि बिहीबार बिहान करिब पौने ७ बजे सकिएको छ।

२ हजार २६३ महाधिवेशन प्रतिनिधि २ हजार २२७ ले मात्र मत खसालेको पार्टीको निर्वाचन आयोगले जानकारी दिएको छ । त्योअनुसार ३६ अनुपस्थित भए ।

८० वटा इलेक्ट्रोनिक मेसिनबाट मतदान गरिएको थियो । मतपरिणाम केही घण्टापछि आजै सार्वजनिक हुनेछ ।

यसपटक एमाले अध्यक्षका लागि केपी शर्मा ओली र ईश्वर पोखरेल प्यानलै बनाएर प्रतिस्पर्धामा उत्रिएका छन् ।