यो विशेषगरी टोयटाको मारुती सुजुकी ईभिताराकै नयाँ संस्करणमा कम्पनीले निर्माण गरी भारतीय अटो बजारमा सार्वजनिक गर्दैछ । जसमा ब्रान्डमा विशिष्ट डिजाइनमा निर्माण गरिएको छ ।
मध्यम आकारको एसयूभी खण्डमा टोयटाको अर्ब क्रुजर इभीले महिन्द्राको बीई ६, हुन्डाइ क्रेटा इलेक्ट्रिक, एमजी जेडएस इभीसँग प्रतिष्पर्धा गर्ने कम्पनीको दाबी छ ।
यो एसयूभीको मूल्य आगामी दिनमा घोषणा गरिने भएता पनि इभी भेरिन्टको भएकाले न्युनतम २१ लाख भारतीय रुपैयाँ र शीर्ष भेरियन्टका लागि २६ लाख भारतीय रुपैयाँ मूल्य रहने अपेक्षा गरिएको छ ।
कम्पनीका अनुसार, यो एसयूभीका पावरट्रेन स्पेसिफिकेसन, सुविधाहरु र अन्य प्रमुख विवरणहरु अझै गोप्य छन् । यद्यपी, नयाँ टोयटा इलेक्ट्रिक एसयूभीले इभितारासँगै ४९ किलोवाट र ६१ किलोवाट ब्याट्री प्याकहरु साझा गर्ने सम्भावना छ ।
दुवै ब्याट्रीहरु अगाडी एक्सल माउन्ट गरिएको इलेक्ट्रिक मोटरसँग जोडिनेछ । सानो ब्याट्री प्याकले अधिकतम १४४ बीएचपी पावर उत्पादन गर्छ । जबकि ठूलो ब्याट्रीले १७४ बीएचपी पावर प्रदान गर्छ । टोयटा अर्बन क्रुजर इभीले एक पटक चार्ज गर्दा ५०० किलोमिटर भन्दा बढीको ड्राइभिङ दायरा प्रदान गर्ने अपेक्षा गरिएको छ ।
यसमा १०.१ इन्च टर्चस्क्रीन इन्फोटेनमेन्ट प्रणाली, वायरलेस एन्ड्रोइड अटो र एप्पल कारप्ले, १०.२५ इन्च डिजिटल ड्राइभर डिस्प्ले, १० तर्फी इलेक्ट्रिक समायोजन हुने ड्राइभर सिटहरु, इन्फिनिटी साउन्ड सिस्टम, वायरलेस फोन चार्जर, ग्लास रुफ, सात एयरब्याग, ३६० डिग्री क्यामेरालगायतका फिचरहरु उपलब्ध छन् ।
