अमेरिकाको रुस र युक्रेनसँग निकै राम्रो कुराकानी भइरहेको बताउँदै उनले केही हुनसक्ने बताए । राष्ट्रपतिले यस बारेमा थप विस्तृत विवरण भने दिएनन् । संयुक्त राज्य अमेरिकाको मध्यस्थतामा रुस र युक्रेनबीच भएको दोस्रो चरणको वार्ता बिहीवार अबु धाबीमा सम्पन्न भएको छ ।
दुवै पक्ष ठूलो संख्यामा बन्दीहरू साटासाट गर्न सहमत भएपनि क्षेत्रीय व्यवस्था जस्ता मुख्य विषयहरूमा भने कुनै ठोस सहमति जुट्न सकेन । युक्रेनी राष्ट्रपति भोलोडिमिर जेलेन्स्कीले बिहीवार अर्को शान्ति वार्ता निकट भविष्यमा, सम्भवतः संयुक्त राज्य अमेरिकामा आयोजना गरिने बताए ।
