कम्पनीले यसलाई ड्रम, डिस्क र ’एस’ गरी तीनवटा भेरियन्टमा बजारमा ल्याएको हो । नयाँ फेसिनोको सुरुवाती मूल्य (ड्रम भेरियन्ट) ७६,५०० भारतीय रुपैयाँ(भारु) तोकिएको छ ।
त्यस्तै, डिस्क भेरियन्टको मूल्य ८८,००० भारु र शीर्ष भेरियन्ट ’फेसिनो एस’ को मूल्य ९५,२०० भारु रहेको छ। यो स्कुटर यामाहाका सबै आधिकारिक डिलरशिपहरू र प्रिमियम ’ब्लू स्क्वायर’ आउटलेटहरूमा उपलब्ध हुने कम्पनीले जनाएको छ।
कम्पनीले प्रत्येक भेरियन्टलाई फरक–फरक रङका विकल्पहरूमा प्रस्तुत गरेको छ ।
फेसिनो एसः म्याट ग्रे र म्याट ब्ल्याक,
डिस्क भेरियन्टः कूल ब्लू मेटालिक, डार्क म्याट ब्लू र मेटालिक लाइट ग्रीन,
ड्रम भेरियन्टः मेटालिक ह्वाइट, मेटालिक ब्ल्याक र भिभिड रेड।
२०२६ यामाहा फेसिनो १२५ एफआई हाइब्रिडमा १२५ सीसीको एयर–कुल्ड, फ्युल इन्जेक्टेड ४–स्ट्रोक SOHC २–भल्भ इन्जिन प्रयोग गरिएको छ । यामाहाको ’ब्लू कोर हाइब्रिड’ प्रविधिमा आधारित यो इन्जिनले उत्कृष्ट प्रदर्शन र सुधारिएको इन्धन दक्षता (माइलेज) प्रदान गर्ने दाबी गरिएको छ । साथै, यो इन्जिन वातावरणमैत्री E२० इन्धनसँग पनि पूर्ण रूपमा उपयुक्त छ। १७८० मिमी लम्बाइ भएको यस स्कुटरमा २१ लिटरको ठूलो ’अण्डर–सिट’ भण्डारण क्षमता दिइएको छ ।
आधुनिक सुविधाहरू
नयाँ फेसिनोमा प्रविधिप्रेमी ग्राहकहरूलाई लक्षित गर्दै थुप्रै आधुनिक सुविधाहरू थपिएका छन् । यसमा रङिन इन्स्ट्रुमेन्ट क्लस्टर, टर्न–बाई–टर्न नेभिगेसन र ’उत्तर ब्याक’ (Answer Back) फंक्सन समावेश छ । अन्य सुविधाहरूमा स्मार्ट मोटर जेनरेट, साइलेन्ट स्टार्ट, स्टप एन्ड स्टार्ट सिस्टम र एन्हान्स्ड पावर असिस्ट रहेका छन् । यसको सस्पेन्सनमा परम्परागत टेलिस्कोपिक युनिट प्रयोग गरिएको छ ।
नयाँ अपडेटका बारेमा बोल्दै यामाहा मोटर इन्डिया ग्रुपका अध्यक्ष हाजिमे आओटाले भने, 'यामाहा फेसिनोको यात्रा हाम्रा ग्राहकहरूको चाहना अनुसारको विकासको प्रतीक हो । हामीले १५ लाख उत्पादनको कोशेढुङ्गा पार गरिसकका छौँ, जुन ग्राहकको विश्वासको प्रमाण हो । आजका युवाहरूको बदलिँदो रोजाइलाई ध्यानमा राख्दै नयाँ फेसिनोलाई ट्रेन्डसेटिंग र युनिसेक्स मोबिलिटी समाधानको रूपमा विकास गरिएको छ ।' भारतमा आधारित हाम्रो अनुसन्धान र विकास टोलीले यसलाई डिजाइन र हाइब्रिड प्रदर्शनको उत्कृष्ट मिश्रण बनाएको छ, जसले सहरी यात्राको मानकलाई पुनः परिभाषित गर्ने उनको दाबी छ ।
