बैठकपछि जानकारी दिँदै वाग्लेले भने, -"आजको बोर्ड बैठकमा अध्यक्षज्यूले आफूले राजीनामा दिन लागेको जानकारी गराउनुभयो। उहाँले भोलि (शनिबार) राजीनामा बुझाउने बताउनुभएको छ।" अध्यक्ष श्रेष्ठले राजीनामा दिनुको ठोस कारणबारे विस्तृतमा नखुलाए पनि उनले भोलि नै औपचारिक रूपमा अर्थ मन्त्रालयमा राजीनामा पत्र बुझाउने तयारी गरेका छन्।
अध्यक्षको अचानकको बहिर्गमनले धितोपत्र बोर्ड पुन: नेतृत्वविहीन बन्ने अवस्था सिर्जना भएको छ। यसले पाइपलाइनमा रहेका धितोपत्र निष्कासनका फाइलहरू अन्यौलता थपिने देखिएको छ। श्रेष्ठले भोलि राजीनामा बुझाएपछि मात्रै उनको बहिर्गमनको कारण र आगामी प्रक्रियाबारे थप प्रष्ट हुनेछ।
