प्रतिरोध परीक्षणमा
गत साताको अन्तिम कारोबार दिन कम्पनीको शेयरमूल्यले प्रतिरोध परीक्षण गरेको छ। हाल कम्पनीको प्रतिरोध क्षेत्र ४८५ देखि ५०० सम्म रहेको छ। आगामी साता कम्पनीको शेयरमूल्यले सो क्षेत्रमा प्रतिरोध सामना गरी ओरालो लागेमा ४४० देखि ४५० को क्षेत्रमा टेवा पाउने देखिन्छ।
बुलिश फेज सुरु हुन लागेको संकेत
विगत १ वर्षभन्दा बढी समयदेखि ठूलो च्यानलमा लगातार घट्दो क्रममा थियो। साताको अन्तिम कारोबार कम्पनीको शेयरमूल्यले सो च्यानललाई माथि तिर काटेर निकै बलियोसँग निस्कन खोजेको छ। प्राविधिक रुपमा यसलाई मन्दी सकिएर बुलिश फेज सुरु हुन लागेको एउटा बलियो संकेत मान्न सकिन्छ।
बाई सिग्नल
मेरोलगानी एआई चार्टले गत बैशाख ३१ गते कम्पनीको शेयरमा बाई सिग्नल दिएको थियो। मेरोलगानी एआईले ४५० रुपैयाँमा बाई सिग्नल दिएको थियो। सो मूल्यमा शेयर खरिद गर्ने लगानीकर्ताहरुले ७.५६ प्रतिशत नाफा कमाइसकेका छन्। मेरोलगानी एआई अनुसार कम्पनीको सेल रेञ्ज ४८५ देखि ५०० सम्म रहेको छ।
बलियो भोल्यूम
गत साता कम्पनीको भोल्यूम पनि बलियो रहेको छ। गत साता दैनिक औषतमा १ लाख ५२ हजार ४९७ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ६२ हजार ६३१ कित्ता रहेको छ। २० दिने औषत भोल्यूमको तुलनामा गत साताको दैनिक औषत भोल्यूम १४३.४८ प्रतिशत बढी हो। मूल्य बढ्दा भोल्यूम पनि बढ्नुले यो वृद्धिलाई बजारले साथ दिएको भन्ने संकेत गर्दछ।
बुलिश प्रवृत्ति
प्राविधिक विश्लेषणको अर्को उपकरण एमएसिडीमा कम्पनीको एमएसिडी रेखा, सिग्नल रेखाभन्दा माथि रहेको छ। यी दुबै रेखा र कम्पनीको हिस्टोग्राम सकारात्मक क्षेत्रमा रहेको छ। कम्पनीको एमएसिडी रेखा र सिग्नल रेखाबीचको दूरी फराकिलो बन्दै गइरहेको छ। यसले कम्पनीको शेयरमूल्य बुलिश प्रवृत्तिमा रहेको संकेत गर्दछ।
खरिदचाप बढी
स्टकास्टिक आरएसआई अनुसार कम्पनीको शेयर अहिले ओभरबट जोनमा रहेको छ। यसले बजारमा बिक्रीचापको तुलनामा खरिदचाप बढी रहेको संकेत गर्दछ।
वित्तीय अवस्था
चालु आर्थिक वर्षको चैत मसान्तसम्ममा कम्पनीले २५ करोड १० लाख १६ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १८.७१ प्रतिशत बढी हो। गत आर्थिक वर्षको सोही अवधिसम्ममा कम्पनीले २१ करोड १४ लाख ४५ हजार रुपैयाँ खुद नाफा कमाएको थियो।
समीक्षा अवधिमा कम्पनीको विद्युत बिक्री आम्दानी भने गत आर्थिक वर्षको १ अर्ब ३८ करोड ३ लाख ४० हजार रुपैयाँबाट घटेर १ अर्ब ३१ करोड १७ लाख २८ हजार रुपैयाँमा सीमित भएको छ।
चालु आर्थिक वर्षको तेस्रो त्रैमाससम्ममा कम्पनीको चुक्ता पूँजी ३ अर्ब ३३ करोड २४ लाख ९७ हजार रुपैयाँ रहेको छ। त्यस्तै, कम्पनीको जगेडा कोष ५८ करोड ८८ लाख रुपैयाँ रहेको छ।
प्रमुख वित्तीय सूचकहरू
आधारभूत अवस्था
हाल नेप्सेमा कम्पनीको ३ करोड ३३ लाख २४ हजार ९७० कित्ता शेयर सूचीकृत छ। गत बिहीबार कम्पनीको शेयर प्रतिकित्ता ४८४ रुपैयाँमा अन्तिम कारोबार भएको थियो। यस अनुसार कम्पनीको कुल बजार पूँजीकरण १० अर्ब १२ करोड ९२ लाख ८५ हजार ४८० रुपैयाँ रहेको छ।
कम्पनीको पछिल्लो ५२ हप्ताको उच्च मूल्य ५७६ रुपैयाँ रहेको छ भने न्यून मूल्य ३९६ रुपैयाँ ४० पैसा रहेको छ। कम्पनीको १८० दिने औषत मूल्य ४४७ रुपैयाँ १० पैसा रहेको छ।
ब्रोकर ४४ बाट सर्वाधिक खरिद
गत साता ब्रोकर नम्बर ४४ ले कम्पनीको सबैभन्दा बढी शेयर खरिद गरेको छ। गत साता सो ब्रोकरले कम्पनीको १ लाख २७३५ कित्ता शेयर खरिद गरेको छ। त्यस्तै, गत साता ब्रोकर नम्बर ६७ ले कम्पनीको ५७ हजार २०० कित्ता शेयर खरिद गरेको छ। कम्पनीको शेयर सबैभन्दा बढी बिक्री गर्ने ब्रोकर भने गत साता ५८ रहेको छ। सो ब्रोकरले कम्पनीको ५२ हजार ५६० कित्ता शेयर बिक्री गरेको छ।
न्यूट्रल जोनमा
फियर एण्ड ग्रीड मिटरमा कम्पनी अहिले न्यूट्रल जोनमा रहेको छ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
