अघिल्लो कारोबार दिन अर्थात गत शुक्रबार १.६३ अंक बढेर २७०२.११ विन्दुमा बन्द भएको नेप्से, यस दिन सो सेसनमा ७.१८ अंक बढेर २७०९.२९ विन्दुमा पुगेको छ। सो सेसनमा सेन्सेटिभ इण्डेक्स भने १.८१ अंक बढेको छ।
सोमबार प्रि ओपन सेसनमा ७२ स्टकको २३२ पटकको कारोबारमा ३ करोड ६५ लाख १३ हजार ९०८ रुपैयाँ ६६ पैसाबराबरको ६० हजार ६३३ कित्ता शेयर खरिदबिक्री भएको छ। जसमध्ये २४ स्टकको मूल्य बढेको छ भने ४१ स्टकको मूल्य घटेको छ। बाँकी ७ स्टकको मूल्य सो सेसनमा स्थिर रहेको छ।
