नेप्सेमा समताको कारोबार (SMATA) कोड बाट हुने नेप्सेले जनाएको छ । जसको कारोबार खुल्ने मूल्य प्रतिकित्ता १३४ रुपैयाँदेखि ४०३ रुपैयाँ तोकिएको छ ।
कम्पनीले गत पुसमा ९४ हजार आठ सय कित्ता साधारण सेयर निष्काशन गरी बाँडफाँड गरेको थियो । जसमा आठ हजार आठ सय ५६ जना आवेदकले गोलाप्रथाबाट १० कित्ताका दरले सेयर पाएका थिए ।
बाराको सिमरामा केन्द्रीय कार्यालय रहेको माईक्रोफाईनाइन्समा तीस जना संस्थापकहरुको दुई करोड २१ लाख २० हजार रुपैयाँ लगानी रहेको छ ।
तीन करोड १६ लाख रुपैयाँ चुक्तापूँजी रहेको कम्पनीले चुक्तापूँजीको ३० प्रतिशतले हुन आउने सेयर सर्वसाधारणमा जारी गरेको थियो । नेपाल राष्ट्र बैंकबाट ‘घ’ वर्गको इजाजत प्राप्त वित्तिय संस्थाको रुपमा समताले २०७० बाट कारोवार सुरु गरेको थियो ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।