हाम्रो विकास बैंकको ‘भिडियो कल’ सुविधा

Oct 06, 2017 merolagani

नुवाकोटकाे बट्टारमा केन्द्रीय कार्यालय रहेको एक जिल्ले हाम्रो विकास बैंकले आफ्ना ग्राहकलाई निशुल्क ‘भिडियो कल’को सुविधा उपलब्ध गराउने भएको छ । बैंकले विदेशमा रहेका आफन्तसँग निःशुल्क ‘भिडियो कल’ गर्न सक्ने सुविधा उपलब्ध गराएको हो ।

हाम्रो विकास बैंकले दुप्चेश्वर गाउँपालिकाको समुद्रटारमा ७ औं र मेघाङ गाउँपालिकाको देउरालीमा ८ औंं शाखा सञ्चालनमा ल्याएसँगै यो सुविधा उपलब्ध गराएको हो ।

नुवाकोटबाट बैदेशिक रोजगारमा जाने युवाहरूको संख्या धेरै भए पनि सहज इन्टरनेटको सहज पहुँचको व्यवस्था नहुँदा आफन्तहरुसँग धेरै परिवार अझैपनि भिडियो कल सेवाको पहुँच बाहिर रहेका छन् । यसै अवस्थालाई सम्बोधन गर्न बैंकले सेवाग्राहीलाई विदेशमा रहेका आफन्तसँग निःशुल्क भिडियो कल सुविधा सञ्चालनमा ल्याएको हो ।

दुई गाउँपालिकामा शाखा विस्तार गरेसँगै ग्रामीण जनताको आर्थिक स्तरको विकास र सर्वसाधारण जनताको बैंकमा पहुँच अभिवृद्धि हुने बैंकले जनाएको छ ।

दुई सय प्रतिशत हकप्रद विक्री गरेको बैंकको पूँजी भने हकप्रद जारीपछि राष्ट्र बैंकले तोके बमोजिम ५० करोड रुपैयाँ पुगिसकेको छ । बैंकले गत आवमा एक अर्ब २५ करोड रुपैयाँ निक्षेप संकलन तथा अर्ब २० करोड रुपैयाँ कर्जा परिचालनबाट रुपैयाँ खुद नाफा आर्जन गरेको छ ।

यसअघि बैंकका केन्द्रिय कार्यालय बट्टार, त्रिशूली, छहरे, रातमाटे, रानीपौवामा शाखा कार्यालय तथा सामरी एक्स्टेन्सन काउण्टरबाट ग्राहकमा बित्तिय सेवा प्रदान गर्दै आएको थियो ।

comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

 भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।