अरुण काबेली र अरुण भ्यालीको सेयर रजिष्ट्रारमा भिबोर क्यापिटल नियुक्त

Apr 09, 2018 Merolagani

अरुण काबेली र अरुण भ्याली हाइड्रोपावर दुबैले भिबोर क्यापिटललाई सेयर रजिष्ट्रार नियुक्त गरेका छन् । यसअघि दुबै कम्पनीले आफ्नै कार्यालयमा सेयर शाखा स्थापना गरेर सेवा दिँदै आएका थिए । याे सेवा २०७५ बैशाख १ गते देखि भिबोर क्यापिटल मार्फत हुने भएको हो ।

अागामी बैशाख १ गते देखि भिबोर क्यापिटलले अरुण काबेली र अरुण भ्याली दुबै कम्पनीको सेयर सम्बन्धी अभिलेख राख्ने, दाखिला खारेज, नामसारी र सेयरवालाहरुको लागत अद्यावधिक राख्ने काम गर्नेछ । सेयरधनीले सेयर सम्बन्धी सम्पूर्ण कामका लागि अब भिबोर क्यापिटल ट्रेड टावर थापाथलीमा सम्पर्क गर्नुपर्ने हुन्छ ।