ओयोसँगको सहकार्यबारे सम्झौतापत्रमा राजधानीमाआयोजित एक कार्यक्रमकाबीच इसेवाका पे्रसिडेन्ट अस्गर अली र ओयोका भाइस प्रेसिडेण्ट प्रसुन चौधरीबीच हस्ताक्षर भएको छ । हस्ताक्षर कार्यक्रमपश्चात् इसेवाका प्रेसिडेण्ट अलीले ओयो र इसेवाको सहकार्यले नेपालको पर्यटन क्षेत्रमा ठुलो टेवा पुग्ने बताए । उनले भने, ‘सरकारले सन् २०२० लाई पर्यटन वर्ष घोषणा गरिसकेको अवस्थामा नेपाल आउने पर्यटकलाई यो सहकार्यले निकै सहयोग पुग्ने विश्वास लिएको छौँ’ ।
यसैगरी ओयो का भाइस प्रेसिडेण्ट प्रसुन चौधरीले इसेवासँगको सहकार्यले नेपालमा ओयोको विस्तारका लागि सहज वाताबरण बनेको बताए । उनले भने, ‘ओयो र इसेवा दुबै प्रविधिको प्रयोग गरेर ग्राहकलाई अभुतपूर्व सेवादिन सकिन्छ भन्ने विश्वास भएको हुनाले हामी यो सहकार्यबाट निकै उत्साहित छौँ’ ।
ओयो मार्फत तत्काल काठमाडाँै र पोखराका ३५ बढि होटलका ६ सयवटा रूमहरु इसेवामार्फत् बुकिङ गर्न सकिन्छ । ओयोले ६ महिनाभित्रै १ सय ५० होटलका ३ हजार भन्दा बढि रुमहरु आफ्नो नेटवर्कमा ल्याउने लक्ष्य लिएको छ ।
ओयो र इसेवाको संयुक्त कारोबार सञ्चालन गरेको पहिलो चरणमा काठमाडौंका होटेलहरुमा ७ प्रतिशत र पोखराका होटेलहरुमा १५ प्रतिशत “क्यास व्याक” को सुविधा दिइएको छ ।
इसेवा नेपालको पहिलो पेमेन्ट गेटवे कम्पनी हो । नेपाल राष्ट्रबैंकबाट अनुमति प्राप्त इसेवामा हाल ४६ वटा बैंकहरु सदस्य छन् । सन् २००९ बाट सेवा सुरू गरेको इसेवाबाट प्रत्यक्ष तथा अप्रत्यक्ष रुपमा ६० लाखभन्दा बढीले सेवा लिइरहेका छन् । हाल इसेवाका देशभर करिब ३५ हजारभन्दा बढी एजेन्ट (इसेवाजोन तथा पोइन्ट) रहेका छन् ।
त्यसै गरि ओयोले २०१७ मे २४ तारिख देखि नेपालमा आफ्नो सेवा प्रारम्भ गरी हालसम्म काठमाडौं र पोखराका ३५ बढी होटलसँग सहकार्य गरेको छ । सन् २०१३ मा आफ्नो सेवा प्रारम्भ गरेको ओयोले भारत, चीन, मलेसियासँगै नेपालमा आफ्नो सेवा बिस्तार गरेको हो ।