एनएमबि बैंकको नेतृत्वमा नेपाल इन्भेष्टमेन्ट, एभरेष्ट बैंक, प्रभु बैंक र नेपाल एसबिआर्इ बैंकले सह-वित्तीयकरणमा ऋण लगानी गर्ने सम्झौता भएको हो । यो ऋण सम्झौता सात वर्षका लागि गरिएको हो ।
नेपालको शिवम् सिमेन्ट र चीनको होङ्सी सिमेन्टको संयुक्त लगानीमा सञ्चालनमा आएको होङसी शिवम् सिमेन्टलाई नेपाली बैंकले ऋण उपलब्ध गराउँदै गर्दा चीनका २ बैंकहरु ग्यारेन्टी बसेका छन् । चीनका बैंक अफ चाइना र नेमसिङ बैंकको ग्यारेन्टीमा नेपाली बैंकहरुले ऋण लगानी गर्न लागेका हुन् । एनएमबि बैंक होङ्सी शिवम् सिमेन्टको सेक्युरिटिज एजेन्ट रहेको छ ।
३० प्रतिशत स्वदेशी तथा ७० प्रतिशत चिनीयाँ लगानीमा होङ्सी शिवम् सिमेन्ट सञ्चानलनमा आईसकेको छ । जसमा शिवम् सिमेन्टको ११ अर्ब ४ करोड रुपैयाँ तथा होङ्सी सिमेन्टको २५ अर्ब हिस्सा रहने बताइएको छ । जानकारी अनुसार चीनबाट लगानी ल्याएर काम गर्दै आएको होङ्सी शिवमले एनएमबि र प्रभु बैंकबाट एक अर्ब रुपैयाँ ऋण रकम लगिसकेको छ ।
कम्पनीले पहिलो चरणमा दैनिक ६ हजार टन सिमेन्ट उत्पादन गर्ने कार्यक्रममा जानकारी दिइयो ।