सनराइज क्यापिटलका प्रमुख कार्यकारी अधिकृत विजयलाल श्रेष्ठका अनुसार माथिल्लो तामाकोशीको शेयर दुई देखि तीन हप्ता वा बढीमा एक महिनाभित्र नेप्सेमा लिस्टिङ्ग गराउने बताए ।
कम्पनीको सञ्चालक समितिको निर्णय पछि लिष्टिङ्गको प्रकृया अघि बढ्ने उनको भनाई छ ।
कम्पनीले सर्वसाधारणमा निष्काशन गरेको एक करोड ५० लाख ९० हजार ७५० कित्ता शेयर मंगलबार बाँडफाँड गरिएको हो ।
तामाकोशीको शेयरमा आवेदन गरेकामध्ये ३ लाख ३४ हजार ७५ आवेदकले शेयर पाएका छन् ।
दोहोरो आवेदन गरेका कारण ५ हजार ७ सय आवेदकहरुलाई शेयर बाँडफाँड प्रकृयामा सहभागि नगराइएको कम्पनीको शेयर निष्काशन तथा बिक्री प्रबन्धक नागरिक लगानी कोषले जनाएको छ ।
यसअघि सञ्चयकोषका बचतकर्ता, ऋणदाता संस्थाका कर्मचारी, र आयोजना प्रभावित स्थानीय बासिन्दाका लागि शेयर निष्काशन भइसकेको छ ।
कम्पनीले दोलखाको लामाबगरमा ४५६ मेगावाट क्षमताको आयोजना निर्माण गरिरहेको छ । आयोजनाको हाल ९७ प्रतिशत भौतिक प्रगति भएको छ । आयोजनाको लागत भने दोब्बरले बढेर ६९ अर्ब ६१ करोड रुपैयाँ पुग्ने अनुमान छ ।
