संस्थापक तर्फ ९ लाख २८ हजार २४८.७० कित्ता मध्ये ७ हजार एक सय कित्ता मात्रै बिक्री भएको छ ।
संस्थापक शेयरका लागि चार आबेदन मात्रै परेकोले आवेदक सबैले मागे जति शेयर पाएका छन् । बैंकको अझै ९ लाख २१ हजार १४८.७० कित्ता शेयर बिक्री हुन सकेन । संस्थापक शेयरका लागि लगानीकर्ताले प्रति कित्ता १५० रुपैयाँसम्म मूल्य कबुलेर बोलपत्र राखेका थिए ।
बैंकले सर्वसाधारणतर्फ लिलामीमा ल्याएको १ लाख १६ हजार ७.३० कित्ता शेयरका लागि १७३ जनाले आबेदन गरेकोमा ९९ जना आबेदकले मात्रै शेयर पाएका छन् ।
साधारण तर्फको शेयरको कट मूल्य १०८ रुपैयाँ कायम भएको छ । जसमा अधिकतम ४१४ रुपैयाँ सम्म मूल्य तोकेर आबेदन परेको थियो । बैंकको दोस्रो बजारमा प्रतिकित्ता ४६० रुपैयाँका कारोबार भैरहेको छ । लिलामी शेयरमा अधिकतम ५० हजार कित्ता सम्मको लागि आबेदन परेको थियो ।
बैंकले गत जेठ ६ गतेदेखि असार २४ गतेसम्म बिक्री खुला गरेको २५० प्रतिशत हकप्रदमा नबिकेको शेयर कार्तिक १८ गते देखि मंसिर ५ गते सम्म लिलामीमा ल्याएको थियोे ।
चालु आर्थिक वर्षको पहिलो त्रैमासमा सात करोड २९ लाख ९४ हजार रुपैयाँ चुक्ता पूँजी भएको बैंकको बार्षिक प्रतिशेयर आम्दानी ८१ पैसा ऋणात्मक, प्रतिशेयर नेटवर्थ १७२ रुपैयाँ ३२ पैसा र मुल्यआम्दानी अनुपात २७.१२ गुणा बढी छ ।
लिलामी पश्चात कम्पनीको चुक्ता पूँजी २५ करोड ५४ लाख रुपैयाँ पुग्नेछ । बैंकलाई देव विकास बैंकले एक्वायर गर्ने सम्झौता गरिसकेको छ ।