अमेरिकाले १० मे देखि २०० अर्ब डलर बराबरको चिनीयाँ सामानमा लाग्ने शुल्क १० प्रतिशतबाट बढाएर २५ प्रतिशत पुर्याएको छ ।
चीनले त्यसको जबाफी कारबाही स्वरुप ६० अर्ब डलर बराबरको अमेरिकी सामानमा शुल्क बढाउने घोषणा गरेको छ । जुन १ देखि चीनले उक्त शुल्क वृद्धि लागू गर्दैछ ।
विश्लेषकका अनुसार, यदि एप्पलले आईफोनको विक्रीबाट योभन्दा पहिलेको जति नै नाफा कमाउन चाहन्छ भने उसले आईफोनको मूल्य बढाउनै पर्ने हुन्छ । आईफोनको मूल्य ३ प्रतिशत महंगो भएमा आईफोन एक्सएसको मूल्य १०२९ डलर पुग्नेछ । हाल यसको मूल्य ९९९ डलर रहेको छ ।
अमेरिकी राष्ट्रपति डोनाल्ड ट्रम्पले ३२५ अर्ब डलरको अतिरिक्त चिनीयाँ सामानमाथि पनि शुल्क बढाउने घोषणा गरेका छन् । उक्त शुल्क बढेमा एक आईफोनको उत्पादन लागत १२० डलर बढ्ने बताइएको छ । एजेन्सी
