सिद्धार्थ इन्स्योरेन्सकाे लाभांश सुरक्षित गर्ने आज अन्तिम दिन

Jun 12, 2019 merolagani

सिद्धार्थ इन्स्योरेन्स(SIL)को लाभांश सुरक्षित गर्ने आज अन्तिम दिन हो । साधारण सभा प्रयोजनको लागि इन्स्योरेन्सले जेठ ३० गते बिहीबारदेखि बुकक्लोज गर्ने भएपछि जेठ २९ गते बुधबारसम्म कायम शेयरधनीले मात्र गत आर्थिक वर्षको लाभांश पाउनेछन् ।

इन्स्योरेन्सले आर्थिक वर्ष २०७४÷७५ को नाफाबाट शेयरधनीलाई वितरण गर्न लागेको १५.४८ प्रतिशत बोनस पारित गर्न असार १३ गते १७ औं वार्षिक साधारण सभा बोलाएको छ ।

साधारण सभाले हाल कायम चुक्ता पूँजी ८६ करोड ५९ लाख रुपैयाँको १५.४८ प्रतिशत अर्थात १३ करोड ४० लाख रुपैयाँ बराबरको बोनस वितरण गर्ने प्रस्ताव पारित गर्ने तयारी गरेको हो ।

बोनस शेयरमा लाग्ने लाभांश कर भने शेयरधनीले ब्यहोर्नुपर्नेछ । बोनस वितरणपछि इन्स्योरेन्सको चुक्ता पूँजी एक अर्ब पुग्नेछ ।


comments powered by Disqus

एक लाख नाघ्यो सुनको मूल्य, अन्तर्राष्ट्रिय बजारमा पनि नयाँ रेकर्ड

Aug 05, 2020 11:00 AM

पछिल्लो समय दिनदिनै नयाँ रेकर्ड कायम गरिरहेको सुनको मूल्य बुधबार एक लाख नाघेको छ। साउन २१ गते बुधबार सुनको मूल्य एक हजार ६०० रुपैयाँले बढेर एक लाख एक हजार ४०० रुपैयाँ पुगेको छ।