अधिकाशं उपसूचक ओरालो लाग्दा ५० करोडमा खुम्चियो काराबोर, साल्ट ट्रेडिङ्गमा पोजेटिभ सर्किट

Jun 12, 2019 Merolagani

कारोबारमा आएका अधिकाशं उपसमुहको सूचक ओरालो लाग्दा पूँजी बजारमा कारोवार मापक नेप्से ऋणात्मक बनेको छ । मङ्गलबार झिनो अङ्कले सुधार देखिएकोमा बुधबार पुनः ओरालो लागेको हो ।

नेपाल स्टक एक्सचेन्जका अनुसार मंगलबार कारोवार मापक नेप्से परिसूचक ३.५० बिन्दुले घटेर १२७२.४८ अङ्कमा झरेको छ भने कारोबार रकम समेत ५० करोड रुपैयाँमा सीमित भएको छ । 

स्टकका अनुसार बुधबार कूल १७४ कम्पनीका १८ लाख ७१ हजार ८०९ कित्ता शेयर ५० करोड २६ लाख ८२ हजार ८८१ रुपैयाँ बराबरमा खरीद बिक्री भए । कारोबार भएका १२ उपसमूहमध्ये तीन उपसमूहको मात्र सुधार देखिएको छ । व्यापार, होटल र अन्य उपसमुहको बाहेक अधिकाशं उपसूचक ओरालो लागेपछि कारोबार रकम खस्किएको हो ।

यसदिन निर्जीवन बीमा उप समूह सबैभन्दा धेरै ६१.३४ अंकले ओरालो लागेको छ । यस्त जीवन बीमा २७.३४ अंक, लघुवित्त ७.५६, विकास बैंक ४.६४, जलविद्युत ३.५६, बैंकिङ ३.०२, उत्पादन २.७४, वित्त १.४३, र म्युचुअल फण्ड उपसमूहको शेयर ०.१५ बिन्दुले घटे ।

उता व्यापार उपसमूह भने ११.७ अंक, होटल ६.९५ र अन्य उपसमूहको शेयर १.९६ बिन्दुले बढेको छ।

बुधबार ग्लोवल आइएमई लघुवित्तको संस्थापक शेयरको उच्च करोबार भएको छ । ग्लोवल आइएई लघुवित्तको संस्थापक शेयर ७ करोड १२ लाख रुपैयाँ बराबरको कारोबार भएको छ । यस्तै शिबम् सिमेन्टसको ४ करोड २५ लाख रुपैयाँ, प्रभु बैंकको २ करोड १३ लाख रुपैयाँ बराबरको कारोबार भएको हो । प्रभु बैंकको दुई करोड १३ लाख, नेपाल क्रेडिट एण्ड कमर्स बैंक एक करोड ५९ लाख र एनआइसी एशिया बैंकको एक करोड ५३ लाख बराबरको कारोवार भयो।

साल्ट ट्रेडिङ्ग कर्पोरेशनको शेयरमूल्यमा सर्किट लागेको छ। साल्ट ट्रेडिङ्ग शेयरमूल्य १० प्रतिशतले बढेको हो। यस्तै गणपति माइक्रोफाइनान्स र सिभिल लघुवित्तको शेयरमूल्य ५ प्रतिशतले बढेको छ। बुधबारको बजारमा खानीखोला हाइड्रोपावर ४.२३ र युनाइटेड मोदी हाइड्रोपावरका शेयरमूल्य ३.५७ प्रतिशतले बढ्यो।

यता नेपाल हाइड्रोको शेयरमूल्य सबै भन्दा धेरै ७.०९ प्रतिशतले घटेको छ । बुधबारको कारोबारबाट मल्टिपर्पस फाइनान्स, कर्णली डेभलपमेन्ट बैंक, जनउत्थान सामुदायिक लघुवित्त, कर्पोरेट डेभलपमेन्ट बैंकको शेयरधनीहरुले ६ प्रतिशत भन्दा बढीले गुमाएका छन्।


comments powered by Disqus

विकास बैंकहरुको लाभांश घोषणामा यसकारण भइरहेछ ढिलाई

Nov 18, 2019 06:08 PM

आर्थिक वर्ष सकिएको ४ महिना बितिसक्दा पनि अधिकांश विकास बैंकहरुले गत आर्थिक वर्ष २०७५/७६ को लाभांश घोषणा तथा साधारण सभाको मिति तय गरेका छैनन्।