नेप्सेका अनुसार राधी विद्युतको ५ प्रतिशत बोनस पश्चात १५८ रुपैयाँ १० पैसामा शेयरमूल्य समायोजन भएको छ । सोमबार यहि मूल्यलाई आधार मानेर कम्पनीको शेयर कारोबार खुल्नेछ ।
नेप्सेमा १८० दिन कारोबार भएको शेयरमूल्यको आधार कम्पनीको औसत आधारमूल्य १६९ रुपैयाँ ५५ पैसा निर्धारण भएको नेप्सेले जनाएको छ ।
राधी विद्युतले असार २९ गते बिहान ११ बजे अमृतभोग क्याटरिङ्ग कालिकास्थानमा आर्थिक वर्ष २०७४/०७५ को वार्षिक साधारण सभा आह्वान गरेको छ।
सभाले सञ्चालक समितिको बैंठकले प्रस्ताव गरेको चुक्ता पूँजीको ५ प्रतिशत बोनस र कर सहित ५ प्रतिशत नगद लाभांश गरी कूल १० प्रतिशत लाभांश प्रस्ताव अनुमोदन गर्नेछ। साधारण सभाका लागि असार ९ गते शेयर दाखिला खारेज गरेको हो। यसअनुसार असार ८ गते आइतबारसम्म कायम रहने शेयरधनीले मात्र उक्त लाभांश पाउनेछन्।
साधारणसभामा आवको वार्षिक प्रतिवेदन, वित्तीय विवरण, लेखापरिक्षक नियुक्ति,पारिश्रमिक निर्धारण, सञ्चालक समिति र प्रवन्धपत्र तथा नियमावलीमा संसोधनको आवश्यक अख्तियारी दिने एजेण्डा रहेका छन्।
कम्पनीले चालु आर्थिक वर्षको तेस्रो त्रैमासमा ४ करोड ७२ लाख रुपैयाँ नाफा आर्जन गरेको छ। यस अवधिमा कम्पनीको प्रतिशेयर आम्दानी १३ रुपैयाँ ९६ पैसा छ।
