माथिल्लो तामाकोशीको एजिएम आज, चार सञ्चालकको लागि १२ भिड्दै

Jun 26, 2019 10:50 AM Merolagani

माथिल्लो तामाकोशी हाइड्रोपावरको बुधबार ११ बजेदेखि कमलादिस्थित नेपाल प्रज्ञा प्रतिष्ठान ११ औँ वार्षिक साधारणसभा आह्वान गरिएको छ। जसमा चार जना सञ्चालक बन्न एक दर्जन उम्मेदवारले आवेदन गरेपछि कम्पनीको साधारणसभामा सञ्चालकका लागि रोचक भिडन्त हुने अवस्था आएको हो।

कम्पनी सचिव रामसुन्दर श्रेष्ठका अनुसार माथिल्लो तामाकोशीको चार जना सञ्चालक बन्नको लागि १२ जनाले आवेदन दिएका हुन् । 

सर्वसाधारण शेयरधनी समूह (ख) बाट सञ्चालक बन्न मनोनयन दर्ता हुने समयसम्म उक्त आवेदन परेको कम्पनीले जनाएको छ । सञ्चालक पदको लागि ३ महिला सहित १३ जनाले नाम दर्ता गराए पनि एक जनाबारे उजुरी परेकाले १२ जनाको मात्र सूची प्रकाशन गरेको छ ।

उच्च आवेदन परेकाले साधारण शयरधनीबाट सर्वसम्मत सञ्चालक चयन हुने सम्भावना न्यून छ।  सर्वसम्पति सञ्चालक चयन हुन नसक्ने अवस्थामा कम्पनीको सञ्चालक समितिमा चयन हुने ४ जना नयाँ सदस्य निर्वाचन मार्फत चयन हुनेछन्। जसका लागि निर्वाचन कार्यक्रम राखिएको छ । 

८ लाख १८ हजार शेयरधनी रहेको यस कम्पनीमा सञ्चालक छनोट गर्न सबैले बराबर अधिकार पाउनेछन्। आफैँ उपस्थित हुन नसक्नेले पनि प्रोक्सी राखेर मतदानमा सहभागिता जनाउन सक्छन्।

यस्तै कम्पनीले आयोजना स्थानमा विभिन्न सामाजिक संस्थाहरु लगायत अन्य संस्थाहरुलाई आर्थिक वर्ष २०७४/०७५ मा उपलब्ध गराइएको आर्थिक सहयोगको रकम अनुमोदन गर्ने विशेष प्रस्ताव गरेको छ ।

आईपीओ जारी गरेपछि पहिलो तथा कम्पनीको उघारौं एजीएममा सञ्चालक समितिका अध्यक्षले आर्थिक वर्ष २०७४/०७५ को वार्षिक प्रतिवेदन पेश गर्ने, नाफा नोक्सान हिसाब छलफल गरी पारित गर्ने, लेखापरीक्षकको नियुक्ति तथा पारिश्रमिक निर्धारण लगायतका एजेण्डा छन्। 


comments powered by Disqus

धितोपत्र बजार पूँंजीकरण ७.३% वृद्धि, करिब ५८ अर्ब रुपैयाँ धितोपत्र नेप्सेमा सूचीकृत

Jul 19, 2019 06:54 PM

धितोपत्र बजार पूँंजीकरण वार्षिक विन्दुगत आधारमा ७.३ प्रतिशतले वृद्धि भएको छ। नेपाल राष्ट्र बैंकको तथ्यांक अनुसार २०७६ जेठ मसान्त सम्ममा धितोपत्र पूँजीकरण १५ खर्ब ७९ अर्ब ३९ करोड कायम भएको हो।