सगरमाथा इन्स्योरेन्सको ८६ प्रतिशत बोनस लाभांश पारित

Jun 28, 2019 05:51 PM Merolagani

सगरमाथा इन्स्योरेन्सले गत आर्थिक बर्ष २०७४/७५ को मुनाफाबाट प्रस्ताव गरेको ८६ प्रतिशत बोनस पारित गरेको छ। काठमाडौंमा सम्पन्न २२ औं वार्षिक साधारण सभाले  ४६ करोड २९ लाख ३१ हजार रूपैयाँको बराबरको बोनस वितरण गर्ने प्रस्ताव पारित गरेको हो।

बोनस शेयरमा लाग्ने कर भने शेयरधनी आफैँले तिर्नुपर्नेछ ।

हाल कामय ५३ करोड ८२ लाख ९१ हजार ९ सय रूपैयाँ चुक्ता पूँजी रहेको कम्पनीको ८६ प्रतिशत बोनस पश्चात बीमा समितिको निर्देशन अनुरूप चुक्तापूँजी १ अर्ब १२ लाख रूपैयाँ पुग्नेछ ।

साधारण सभामा कम्पनीका अध्यक्ष रामकृष्ण मानन्धरले बार्षिक प्रतिवेदन पेश गर्दै २०७४/७५ मा कम्पनीले अघिल्लो आर्थिक वर्षको तुलनामा ३०.४४ प्रतिशतले व्यवसायमा बृद्धि गरेको जानकारी दिए। इनस्योरेन्सले १ अर्ब ८३ करोड ७९ लाख ४४ हजार रूपैयाँ प्रिमियम आर्जन गरी एनफआएसका अनुसार ३३ करोड २९ लाख रूपैयाँ खुद नाफा आर्जन गरेको उनको भनाई छ। अघिल्लो आर्थिक वर्षको तुलनामा खुद नाफा २१. ७३ प्रतिशतले बृद्धि गर्न सफल भएको समेत जानकारी दिए।

चालु आर्थिक वर्षको असारको पहिलो सातासम्ममा कम्पनीले २ अर्ब भन्दा बढी प्रिमियम संकलन भएको जानकारी गराउदै चालु आर्थिक वर्षको अन्त्यसम्ममा २ अर्ब १५ करोड रूपैयाँभन्दा बढी प्रिमियम संकलन गर्ने कम्पनीको विश्वास छ।

हालसम्म इन्स्योरेन्स कम्पनीले ५७ वटा शाखा तथा उपशाखा कार्यलयह?बाट बीमितह?लाई बीमा सेवा प्रदान गर्दै आएको छ।


comments powered by Disqus

अझै तीन दिन बदलीसँगै वर्षाको सम्भावना

May 29, 2020 11:42 AM

पश्चिमी वायु र स्थानीय वायुको प्रभावले अझै तीन दिन देशभर बदलीसँगै वर्षाको सम्भावना रहेको छ। हाल नेपालमा पश्चिमी वायुको आंशिक प्रभाव रहनुका साथै नेपालको पूर्वी भूभाग नजिक बनेको निम्न चापीय रेखा र स्थानीय वायुको प्रभावले बदलीसँगै मेघगर्जन, हावाहुरी चट्याङसहित वर्षा भइरहेको मौसम पूर्वानुमान महाशाखाले जनाएको छ। आज काठमाडौँ उपत्यकामा बिहानै वर्षा भएको थियो।