सर्वसाधारण लगानीकर्तालाई ११ करोड ४७ लाख ७८ हजार रुपैयाँ र व्यक्तिगत तवरबाट १ अर्ब ८८ करोड ५२ लाख २२ हजार रुपैयाँसहित सबै २ अर्ब रुपैयाँको ऋणपत्र बिक्री बाँडफाँड गरिएको हो।
बैंकले सर्वसाधारणमा निष्काशन गरेको ८ लाख कित्ता ऋणपत्रमा ८३४ आवेदकहरूबाट कूल १ लाख २६ हजार ९२८ कित्ता खरीदको लागि आवेदन परेको थियो ।
बिक्री प्रबन्धक नबिल इन्भेष्टमेन्टका अनुसार निर्धारित अवधिभित्र सर्वसाधारण समूहलाई ८ लाख कित्ता ऋणपत्र खरीद आह्वान गरिएकोमा ८३४ जना आवेदकहरुबाट कूल १ लाख २६ हजार९२८ कित्ता ऋणपत्रको लागि आवेदन प्राप्त भएको थियो ।
सर्वसाधारण लगानीकर्ताबाट १३९ जना आवेदकबाट परेको १२ हजार १५० कित्ता ऋणपत्र खरीदको आवेदन रद्द भएको छ भने रितपूवर्क आवदेन दिने ६९५ जनाले माग गरे बमोजिम नै १ लाख १४ हजार ७७८ कित्ता ऋणपत्र बाँडफाँड गरिएको छ।
त्यस्तै बैंकले व्यक्तिगत तवरबाट सर्वसाधारणले नकिनेको ६ लाख ८५ हजार २२२ कित्ता समेत थप गरी २७ जना आवेदकहरूलाई १८ लाख ८५ हजार २२२ कित्ता ऋणपत्र बाँडफाँड गरिएको छ ।
नेपाल बंलादेश बैंकले जेठ १० गतेदेखि १०.२५ प्रतिशत बइाजदरको एनबीबीएल डिबेञ्चर २०८५ बिक्री गरेको थियो । प्रतिकित्ता १ हजार अंकित दरको सोहि ऋणपत्र बैंकले असार १९ गते बिहीबार बाँडफाँड गरेको हो ।
कूल निष्काशित २० लाख कित्ता ऋणपत्रमध्ये १२ लाख कित्ता डिबेञ्चरले हुन आउने कूल १ अर्ब २० करोड ऋणपूँजी रकम विभिन्न व्यक्ति वा संघ संस्थाहरुलाई व्यक्तिगत तवरबाट तथा ८ लाख कित्ता डिबेन्चरले हुन आउने कूल ८० करोड ऋणपूँजी रकम (५% अर्थात ४० हजार युनिट सामुहिक लगानी कोषका लागि छुट्टयाईएको समेत) सर्वसाधारण नेपालीहरुको लागि निष्काशन खुल्ला गरिएको थियो।