कम्पनीले आयोजना प्रभावितलाई बिक्री गर्न खोज्दा बिक्री नभएको १४ लाख ७२ हजार कित्ता शेयर समेत थप गरी ७६ लाख ७२ हजार कित्ता शेयर सर्बसाधारणमा प्रतिकित्ता १ सय रूपैया अंकित दरमा बिक्री खुल्ला गरेको हो ।
कुल निष्काशनमध्ये १ लाख ५३ हजार कित्ता कर्मचारीहरूलाई र २५ हजार कित्ता शेयर सामूहिक लगानी कोषहरूको लागि सुरक्षित गरिएको छ भने बाँकीे ७४ लाख ९३ हजार कित्ता शेयरमा सर्वसाधारणले आवेदन गर्न पाउने छन ।
कम्पनीको आइपीओमा लगानीकर्ताले न्यूनतम १० कित्तादेखि अधिकतम १ लाख कित्तासम्म शेयर खरिदको लागि आवेदन दिन पाउने ब्यवस्था रहेको बिक्री प्रबन्धक ग्लोबल आईएमईले जनाएको छ ।
आइपीओ खरिदको लागि आवेदन दिन चाहाने लगानीकर्ताले सि आश्वामार्फत असार २९ गते सम्म आवेदन दिन सक्नेछन । सो अवधिमा सबै शेयर खरिदको लागिआवेदननपरेमालगानीकर्ताले ढिलोमा साउन २४ गतेसम्म आवेदन गर्न पाउने ब्यवस्था रहेको छ ।
कम्पनीले निष्काशन गर्न लागेको उक्त आईपीओलाई केयर नेपालले औसत भन्दा तल आधार जनाउने ’केयर एनपिआईपिओ ग्रेड ४’ रेटिङ्ग प्रदान गरेको छ । जसले कम्पनीको वित्तीय अवस्था औसत भन्दा कमजोर रहेको भन्ने बुझाउँछ ।
कम्पनीले यसअघि पहिलो चरणमा गत जेठ १४ गतेदेखि आयोजना प्रभावित क्षेत्रका स्थानीयको लागि १६ करोड रूपैयाँ बराबरको १६ लाख कित्ताआईपीओ बिक्री गरेको थियो जसमा १ करोड २७ लाख रूपैयाँ बराबरको १ लाख २७ हजार कित्ता शेयर मात्र बिक्री भएको थियो । सो शेयर कम्पनीले आयोजनाप्रभावितमा बाँडफाँड गरिसकेको छ ।
हिमाल दोलखा हाइड्रोपावरले इलाममा माई खोला स्मल हाइड्रोपावर र माई खोला स्मलक्यास्केड गरि दुई वटा आयोजनानिर्माण गरिरहेको छ । माई खोला स्मल हाइड्रोपावरको क्षमता ४.५५ मेगावाट र माई खोला स्मलक्यास्केड हाइड्रोपावर ८ मेगावाट रहेको छ ।
माई खोला स्मल हाइड्रोपावर प्रतिमेगावाट लागत १६ करोड ११ लाख ४४ लाख र कुल लागत७२ करोड ५१ लाख ४९ लाख रूपैयाँ रहेको छ भने माई खोला स्मल क्यास्केड हाइड्रोपावर को प्रति मेगावट लागत १७ करोड ८० लाख ८७ हजार र कुल लागत एक अर्ब ४२ करोड रूपैयाँ रहेको छ ।
दुबै आयोजनाबाट साधारण लगानी फिर्ता हुने ७ वर्ष र डिस्टकाउन्टमा लगानी फिर्ता हुने १७ वर्ष लाग्ने कम्पनीले जनाएको छ । माई खोला स्मल हाइड्रोपावरको विद्युत उत्पादन इजाजत २४ बर्ष र माई खोला स्मलक्यास्केड हाइड्रोपावरको विद्युतउत्पादन अनुमति ३० वर्ष बाँकी छ ।
कम्पनीले चालु आर्थिक वर्षमा प्रतिशेयर ७ रूपैयाँ ५६ पैसा आम्दानी गर्ने र आव २०७६,७७मा सञ्चित नोक्सानी सकिएर ८ करोड ६३ लाख सञ्चित मुनाफामा पुग्ने प्रक्षेषण छ ।
हाल कम्पनीको चूक्ता पूँजी १ अर्ब ६९ करोड रूपैयाँ छ । आइपिओपछि कम्पनीको चुक्तापूँजीदुई अर्ब ४७ करोड पुग्नेछ ।