चौतारी लघुवित्तको खुद नाफा १७३ प्रतिशतले वृद्धि

Jul 21, 2019 01:12 PM Merolagani

चौतारी लघुवित्त वित्तिय संस्था (CHLBS) ले अघिल्लो आर्थिक वर्षको तुलनामा गत आर्थिक वर्षको चौथाे त्रैमासमा खुद नाफा १७३.५६ प्रतिशतले बढेको वित्तीय विवरण सार्वजनिक गरेको छ । अघिल्लो वर्षको यसै अवधिमा एक करोड ३ लाख १७ हजार खुद नाफा आर्जन गरेको लघुवित्तले गत आर्थिक वर्षको साेही अवधिमा २ करोड ८२ लाख २४ हजार रुपैयाँ खुद नाफा आर्जन गरेको हो ।

यस अवधिमा लघुवित्तको चुक्ता पूँजी १२ करोड ६० लाखबाट १८ करोड ६० लाख रुपैयाँ पुगेको छ । यस्तै जगेडा कोषमा ४ करोड ३२ लाख रुपैयाँ सञ्चित छ । यो अघिल्लो वर्षको यसै अवधिको तुलनामा २ करोड ८२ लाख रुपैयाँले बढी हो ।

लघुवित्तले ४७ करोड ७२ लाख ७९ हजार रुपैयाँ निक्षेप संकलन तथा ८९ करोड ९९ लाख ८० हजार रुपैयाँ सापटी लिएर एक अर्ब ५६ करोड ३६ लाख रुपैयाँ कर्जा परिचालन गरेको छ ।
यस अवधिमा लघुवित्तले ९ करोड ५५ लाख ९६ हजार रुपैयाँ खुद ब्याज आम्दानी गरेको छ । यो अघिल्लो आर्थिक वर्षको यसै अवधिको तुलनामा ८५.८९ प्रतिशतले बढी हो ।

लघुवित्तको निष्क्रिय कर्जा अनुपात ०.४८ बाट बढेर ०.५१ प्रतिशत पुगेको छ । प्रतिशेयर आम्दानी १५ रुपैयाँ १७ पैसा रहेको लघुवित्तको प्रतिशेयर नेटवर्थ १२३ रुपैयाँ २० पैसा र मूल्य आम्दानी अनुपात ३०.५८ गुणा बढी छ ।

बुटवलमा केन्द्रीय कार्यालय रहेको चौतारी लघुवित्त  र काभ्रेको बनेपामा केन्द्रीय कार्यालय रहेको आरम्भ माइक्रोफाइनान्सले गत जेठ २२ गते एक आपसमा गाभिने सम्झौता गरिसकेका छन्  । 

 


comments powered by Disqus

लकडाउनको असरः दर्जनबढी कम्पनीको साधारणसभा रोकियो, हकप्रद र आइपीओ जारी गर्नै पाएनन्

May 31, 2020 07:12 PM

रविन पाैडेल

कोरोना भाइरसको असर न्यूनिकरणको लागि सरकारले गत चैत ११ गतेदेखि देश नै लकडाउन गरेको छ। लकडाउनको कारण अहिले आर्थिक गतिविधिहरु ठप्प भएका छन् भने पूँजी बजारमा पनि यसले ठूलो प्रभाव पारेको छ।