रुपन्देहीमा केन्द्रीय कार्यालय रहेको उन्नतिले सर्लाहीमा कार्यालय रहेको सहकार्यसँग आपसमा गाभ्ने गाभिने समझदारी गरेको हो। समझदारी पत्रमा उन्नतिका अध्यक्ष अनिता ढुंगाना शाह र सहकार्य लघुवित्तको सञ्चालक समितिका अध्यक्ष खिलराज मैनालीले हस्ताक्षर गरेका छन् ।
रुपन्देहीमा केन्द्रीय कार्यालय रहेको उन्नतिले १५ जिल्लामा शाखा विस्तार गरेको छ। सर्लाहीमा केन्द्रीय कार्यालय रहेको सहकार्यले १० जिल्लामा शाखा विस्तार गरी काम गर्दै आएको छ । उन्नतिले सर्बसाधारणमा आइृपीओ बिक्री गरिसकेको छ भने सहकार्यले आईपीओ बिक्री गरेको छैन।
१५ जिल्ला कार्य क्षेत्र रहेको उन्नतिको चुक्ता पुँजी ८ करोड ८२ लाख ७५ हजार र १२ जिल्ला कार्य क्षेत्र रहेको सहकार्यको १ करोड ४० लाख रुपैयाँ छ। उन्नतिले शत प्रतिशत र सहकार्यले ३०० प्रतिशत हकप्रद बिक्री गर्ने तयारी गरेका छन् ।
दुई संस्थाले मर्जरपछि आगामी पुसभित्र उन्नतिको नाममा एकीकृत कारोबार गर्ने लक्ष्य लिईएको छ।
कम्पनीको अध्यक्ष र प्रमुख कार्यकारी अधिकृतमा उन्नतिकैले निरनतरता पाउने भएका छन्। शेयर स्वाप रेसियो भने सम्पति तथा दायित्वको मुंल्याकनपछि तय हुने समझदारी पत्रमा उल्लेख छ।
