कम्पनीले असार २ गते हकप्रद शेयरको लागि बुकक्लोज गरेकाले असार १ गते आइतबारसम्म कायम रहने लघुवित्तका शेयरधनीले मात्र हकप्रदमा आवेदन गर्न पाउनेछन्।
लघुवित्तले हकप्रद जारी गर्न बिक्री प्रबन्धकको रुपमा सिद्धार्थ क्यापिटललाई तोकिएको छ।
हकप्रदमा जनउत्थान सामुदायिक लघुवित्तको केन्द्रीय कार्यालय बुटवल तथा शाखा कार्यालयहरु, सिद्धार्थ क्यापिटल नक्साल, नेपाल धितोपत्र बोर्डबाट अनुमति लिई आस्वा सेवामा सहभागी बैंक तथा वित्तीय संस्थाबाट सि आश्वा प्रणाली मार्फत तथा मेरो शेयरबाट समेत हकप्रदमा आवेदन दिन सकिन्छ।
लघुवित्तको २०७४ पुस ३० गते सम्पन्न सातौ वार्षिक साधारण सभाले चुक्ता पूँजी वृद्धि गर्न शतप्रतिशत हकप्रद जारी गर्ने प्रस्ताव पारित गरेको थियो ।
हाल लघुवित्तको चुक्ता पूँजी २ करोड ८८ लाख रुपैयाँ छ । हकप्रद र १० प्रतिशत बोनसपछि लघुवित्तको चुक्ता पूँजी ६ करोड ३३ लाख ६० हजार रुपैयाँ पुग्नेछ।