मंगलबार र बुधबार लगातार नेगेटिभ सर्किट लागेको दुई कम्पनीमा बिहीबार भने रसुवागढीको झण्डै दश प्रतिशतले घटेपनि साञ्जेनको भने ३.४० प्रतिशत मात्र घटेको छ।
बिहीबार साञ्जेनमा अधिक खरिद चाप देखिएको छ भने रसुवागढीमा भने अझै बिक्री चाप नै बढी देखिन्छ। बिहीबारबाट दुबै कम्पनीको मार्केट डेप्थामा खरिदकर्ता देखिएका छन्। बुधबारसम्म दुबै कम्पनीका शेयर खरिदकर्ता नेप्सेको मार्केट डेप्थमा भेटाउन मुस्किल जस्तै थियो।
बिहीबार कारोबार खुला भएको ३० मिनेट अवधिमा साञ्जेनमा करिब ३५ हजार कित्ताको खरिद अर्डर छ भने बिक्रीतर्फ एक हजार ९० कित्ता मात्र देखिन्छ।
यसैगरि रसुवागढीमा कारोबार खुला भएको ३० मिनेट अवधिमा साञ्जेनमा करिब १० हजार ३२० कित्ताको खरिद अर्डर छ भने बिक्रीतर्फ १२ हजार ५७० कित्ता छ। तीनदिन लगातार मूल्य घटेपछि कम्पनीको शेयर खरिदमा विस्तारै चाप देखिन थालेको हो।