हकप्रद निष्काशनको लागि कम्पनीले २०७५ असोज २ गते धितोपत्र बोर्डमा आवेदन दिएको थियो । आवेदन दिएको झण्डै ११ महिनापछि कम्पनीले हकप्रद निष्काशनको लागि अनुमति पाएको हो ।
फाइनान्सको हकप्रद शेयरको बिक्री प्रबन्धकमा सनराइज क्यापिटल रहेको छ ।
हाल फाइनान्सको चुक्ता पूँजी ४० करोड ६ लाख ८० हजार रुपैयाँ रहेको छ । फाइनान्सले ६० प्रतिशत हकप्रद बिक्री पश्चात ६४ करोड १० लाख ८८ हजार रुपैयाँ चुक्ता पूँजी पुग्नेछ ।
फाइनान्सको गत २०७५ जेठ १२ गते सम्पन्न संस्थाको विशेष साधारण सभाले ६० प्रतिशत हकप्रद जारी गर्ने प्रस्ताव पारित गरेको थियो ।
गत आर्थिक बर्षको चौथो त्रैमासमा फाइनान्सले १५ करोड ७३ लाख रुपैयाँ खुद नाफा कमाएर प्रतिशेयर आम्दानी ३४ रुपैयाँ १४ पैसा र प्रतिशेयर नेटवर्थ १५६ रुपैयाँ ३९ पैसा कायम गरेको छ।
साउन २३ गते धितोपत्रको दोस्रो बजारमा फाइनान्सको शेयर प्रतिकित्ता २५६ रुपैयाँमा कारोबार भएको छ ।
