यस्तै अग्नि बीमाबाट ५ अर्ब १ करोड, विविधबाट २ अर्ब ६७ करोड, इन्जिनियरिङ बीमाबाट २ अर्ब २९ करोड, सामुद्रिक बीमाबाट १ अर्ब ३६ करोड, हवाई बीमाबाट १ अर्ब १९ करोड बीमा शुल्क आर्जन गरेका छन् । सबै भन्दा थोरै कृषि बीमाबाट ९६ लाख ७२ हजार रुपैयाँ मात्रै बीमा शुल्क संकलन भएको बीमा समितिको तथ्यांक छ ।
गत आर्थिक वर्षको असार मसान्त सम्ममा निर्जीवन बीमा कम्पनीहरूकाे १४ अर्ब ६३ करोड रुपैयाँ चुक्ता पूँजी रहेको छ । यस अवधिमा निर्जीवन बीमा कम्पनीहरुले ३२ अर्ब ९४ करोड रुपैयाँ लगानी गरेका छन् भने ३ अर्ब ६९ करोड रुपैयाँ नगद तथा मौज्दात रहेको बीमा समितिको तथ्यांक छ ।
यस अवधिमा एक लाख ३ हजार ८६८ वीमा दाबी परेको छ भने ८२ हजार २८० दाबीवापत १३ अर्ब ३२ करोड रुपैयाँ भुक्तानी भएकाे छ । यस्तै ३६ हजार ८१८ दाबी वापत १० अर्ब ९१ करोड रुपैयाँ बराबरको भुक्तानी गर्न बाँकी रहेको समितिको तथ्यांक छ । गत आर्थिक वर्षको अन्त्य सम्ममा निर्जीवन बीमा तर्फ ८१ दाबीमा मुद्धा परेको थियो ।
यस अवधिमा निर्जीवन बीमा कम्पनीहरुले कुल ९ अर्ब ३२ करोड रुपैयाँ पुर्नबीमा शुल्क वापत भुक्तानी गरेका छन् । यस्तै पुर्नबीमा कमिशन वापत २ अर्ब ८० करोड रुपैयाँ आम्दानी गरेका छन् ।
हाल सम्ममा बीमा समितिले निर्जीवन बीमातर्फ १८१ प्रकारका बीमालेखहरु प्रचलनमा ल्याएकाे छ । असार मसान्त सम्ममा २२ लाख ११ हजार २०३ बीमालेख कायम रहेको बीमा समितिले जनाएको छ । निर्जीवन बीमा तर्फ ३ हजार ८७० जना अभिकर्ता रहेको समितिको तथ्यांक छ । कुल ८६९ कार्यालयहरु रहेको निर्जीवन बीमा कम्पनीहरुमा ४ हजार ६८३ जना कार्यरत रहेका छन् ।
