ग्रामीण स्वयंसेवक लघुवित्तले गत वर्षको चौंथो त्रैमाससम्ममा ६० लाख ९३ हजार रुपैयाँ खुद नाफा आर्जन गरेको छ।
२०७५ साउन ३० गतेदेखि सञ्चालनमा आएको लघुवित्तको चुक्ता पूँजी ४ करोड ६० लाख रुपैयाँ रहेको छ। यस अवधिमा लघुवित्तले २४ करोड ९५ लाख रुपैयाँ निक्षेप संकलन र ३९ करोड ७२ लाख सापटीबाट ६४ करोड ७० लाख रुपैयाँ बराबरको कर्जा परिचालन गरेको छ।
चौंथो त्रैमाससम्म लघुवित्तले ९ करोड २० लाख ब्याज आम्दानी र ५ करोड ५१ लाख ब्याज खर्च गरी ३ करोड ६९ लाख रुपैयाँ खुद ब्याज आम्दानी गरेको छ।
लघुवित्तको निष्क्रिय कर्जा अनुपात १.०८ प्रतिशत रहेको छ। प्रतिशेयर आम्दानी वार्षिक १४ रुपैयाँ ५१ पैसा रहेको लघुवित्तको प्रतिशेयर नेटवर्थ १०० रुपैयाँ र मूल्य आम्दानी अनुपात ६.८९ गुणा बढी छ।
यसैगरी राष्ट्र उत्थान लघुवित्तले गत वर्षको चौंथो त्रैमाससम्ममा १३ लाख ९३ हजार रुपैयाँ खुद नाफा आर्जन गरेको छ । लघुवित्तले २०७५ फागून ८ गतेबाट वित्तीय कारोबारको सुरुवात गरेको थियो।
चुक्ता पूँजी १७ करोड ५० लाख रुपैयाँ रहेको लघुव्रित्तको जगेडा कोषमा एक करोड ७४ लाख रुपैयाँ सञ्चित छ। यस अवधिमा लघुवित्तले ४९ करोड ४९ लाख निक्षेप संकलन र ४८ करोड २५ लाख रुपैयाँ निक्षेप संकलन मार्फत् एक अर्ब २२ लाख रुपैयाँ बराबरको कर्जा परिचालन गरेको छ।
गत आर्थिक वर्षको चौथो त्रैमाससम्म लघुवित्तले ७ करोड ६ लाख ब्याज आम्दानी र ३ करोड ९९ लाख ब्याज अर्च गरी ३ करोड ६ लाख रुपैयाँ खुद ब्याज आम्दानी गरेको छ। लघुवित्तको निष्क्रिय कर्जा अनुपात ०.८५ प्रतिशत रहेको छ।
