लघुवित्तले १ः२ अनुपातमा १२ लाख १३ हजार ४४० कित्ता हकप्रद शेयर बिक्री अनुमति पाएको हो ।
हकप्रद निष्काशनका लागि कम्पनीले एनआइबिएल एस क्यापिटललाई निष्काशन तथा बिक्री प्रबन्धक चयन गरिसकेको छ।
हाल लघुवित्तको चुक्ता पूँजी ६ करोड ६ लाख ७२ हजार रुपैयाँ छ। हकप्रदपश्चात लघुवित्तको चुक्ता पूँजी १८ करोड २० लाख १६ हजार रुपैयाँ पुग्नेछ ।
गत आर्थिक वर्षमा लघुवित्तले अघिल्लो आवको तुलनामा २४९ प्रतिशतले खुद नाफा बढाएर २ करोड ५७ लाख ९७ हजार रुपैयाँ खुद नाफा कमाएर प्रतिशेयर आम्दानी ४२ रुपैयाँ ३२ पैसा कायम गरेको छ। लघुवित्तको जगेडा कोषमा ८ करोड ४२ लाख ५६ हजार रुपैयाँ सञ्चित छ ।
लघुवित्तको भदौ ९ गते दोस्रो बजारमा प्रतिकित्ता एक हजार २९० रुपैयाँमा शेयर कारोबार भएको छ। हकप्रदबाट विद्यमान शेयरधनीलाई शेयर बिक्री गरेर पूँजी संकलन गरिने भएकाले हकप्रदको लोभमा उच्च मूल्यमा शेयर खरिद गर्नु जोखिम हुनसक्छ।
