इन्भेष्टमेन्ट बैंकले आफ्नो पूँजी कोष बलियो बनाउन जेठ २४ गते देखि प्रतिइकाई एक हजार रुपैयाँ अंकित दरमा कूल २० लाख युनिट ऋणपत्र बिक्री गरेको थियो। सोही डिबेञ्चर सोमबार नेप्सेमा सूचीकृत भएको हो।
दीर्घकालीन लगानी स्रोत जुटाउन बैंकले निष्काशन गरेको ‘१०.५% नेपाल इन्भेष्टमेन्ट बैंक डिबेञ्चर २०८२’ मा लगानीकर्ताले सात वर्षसम्म वार्षिक १०.५ प्रतिशत ब्याजदर अर्धवार्षिक रुपमा प्राप्त गर्नेछन्।
त्यसैगरी एनएमबि बैंकले बिक्री गरेको १६ लाख ८४ हजार कित्ता डिबेञ्चर पनि नेपाल स्टक एक्सचेञ्जमा सूचीकृत भएको छ।
एनएमबि बैंकले फागुन ३० गतेदेखि दश प्रतिशत ब्याजदरमा दश वर्ष अवधिको ३ अर्ब रुपैयाँ बराबरको कूल ३० लाख कित्ता ऋणपत्र बिक्रीमा ल्याएको थियो जसमध्ये १६ लाख ८४ हजार कित्ता मात्र बिक्री भएको थियो।
ऋणपत्र सूचीकरण पश्चात लगानीकर्ताले दोस्रो बजारमा खरिद बिक्री गनुका साथै धितो राखेर ऋण समेत लिन सक्नेछन्।
