अमेरिका–चीनबीच व्यापार वार्ता हुने संकेतसँगै एशियाली शेयर बजारमा सुधार

Sep 06, 2019 01:26 PM Agency

अमेरिका र चीनबीच आगामी महिना व्यापार वार्ता पुनः सुरू भएर दुई देश बीच जारी व्यापार युद्ध कम हुने संकेत देखिएसँगै शुक्रबार प्रमुख एशियाली शेयर बजार परिसूचकमा सुधार देखिएको छ ।

चिनियाँ शेयर परिसूचक साङ्घाई कम्पोजिट ०.१ प्रतिशत बढेको छ भने हङकङको हाङसेङमा ०.३ प्रतिशतको सुधार देखिएको छ।

जापानको निक्केईमा ०.६ प्रतिशतको बढोत्तरी देखिएको छ। यसेगरी अस्ट्रेलियन स्टक ०.५ प्रतिशत, दक्षिण कोरियाको कोस्पी ०.३ प्रतिशत उकालो लागेको छ।

बिहीबार जापानको निक्केई २२५ परिसूचक २ दशमलव १२ प्रतिशत बढेर २१ हजार ८५ दशमलव ९४ विन्दुमा पुगेको थियो।

चीनले अमेरिकासँगको व्यापारवार्ता वाशिङ्टनमा अक्टोबरको सुरूवातमै गर्ने जानकारी दिएसँगै एशियाली शेयर बजारमा यसको सकारात्मक प्रभाव परेको देखिन्छ। उक्त व्यापार वार्तामा विश्वव्यापी रुपमा असर पारिरहेको दुई देश बीचको व्यापार युद्ध कम गर्नका लागि पर्याप्त प्रगति हुने अपेक्षा राखिएको छ।

चीन र अमेरिकाले व्यापार वार्ताकै बीच एकअर्काको मुलुकका सामानमा करवृद्धि गरेपछि विश्व शेयर बजारमा नकारात्मक असर परेको थियो। दुवै मुलुकबीच १ वर्षभन्दा अघिदेखि जारी व्यापारयुद्धले विश्व अर्थतन्त्रमा नै नकारात्मक प्रभाव परेको थियो।

बिहीवार ब्रेक्जिटको विषयमा बेलायती संसदमा भएको निर्वाचनको नतीजाले पनि एशियाली शेयर बजारमा सुधारका लागि बाटो खुलेको बताइएको छ।

-एजेन्सी


comments powered by Disqus

आज ११ः४५ देखि शेयर बजार खुल्ने

Aug 05, 2020 11:24 AM

साउन २१ गते बुधबार ११ः४५ बजेदेखि शेयर कारोबार खुल्ने भएको छ। नेप्सेको नेटवर्किङ्ग प्रणालीमा समस्या आएपछि यस दिन नियमित समयमा बजार नखुलेको हो।