तीनवटै आइफोनको बुकिङ १३ सेप्टेम्बरबाट सुरु हुनेछ । भारतमा पनि २७ सेप्टेम्बरबाट नयाँ आईफोन उपलब्ध हुने बताइएको छ। यसका अलावा एप्पलका सीईओ टिम कुकले नयाँ गेमिङ सर्भिस ‘एफ आर्केड’, एप्पल वाच–५, टिभी प्लस सर्भिस र १०.२ इन्चको नयाँ आईप्याड पनि लन्च गरेका छन् ।
क्यामेरा पावरलाई ध्यानमा राखेर लन्च गरिएको हालसम्मको सबेभन्दा पावरफूल मानिएको आईफोन प्रो मा ५.८ को स्क्रीन रहनेछ । आईफोन प्रो म्याक्सको स्क्रीनको साइज ६.५ रहेको छ।
कम्पनीका अनुसार, आइफोन ११ को सुरुवाती मूल्य ७४९ अमेरिकी डलर हुनेछ। यसैगरी ३ वटा ब्याक क्यामेरा भएको आईफोन ११ प्रो बाट एकैपटक तीनवटै क्यामेराबाट भिडियो बनाउन सकिनेछ । यसको सुरुवाती मूल्य ९९९ अमेरिकी डलर रहनेछ। ठूलो स्क्रीन भएको आईफोन ११ प्रो म्याक्सको सुरुवाती मूल्य एक हजार ९९ अमेरिकी डलर रहने बताइएको छ।
यसमा ट्रिपल रियर क्यामेरा सेटअप रहेको छ । जसमा १२ मेगा पिक्सल वाइड क्यामेरा, १२ टेलीफोटो क्यामेरा र १२ मेगा पिक्सल अल्ट्रावाइड क्यामेरा रहनेछ। आइफोन ११ को मुख्य विशेषता भनेको भिडियो रेकर्डिङका क्रममा नर्मल रेकर्डिङलाई अल्ट्रा वाइड एंगलमा परिवर्तन गर्न सकिनेछ।
कम्पनीले अन्य क्यामेराको तुलनामा नयाँ आइफोनबाट उच्च गुणस्तरको भिडियो सुट गर्न सकिने दाबी गरेको छ।
अर्काे वर्षसम्म एप्पलले २० करोड आईफोन विक्री गर्नसक्ने विश्लेषकहरुले बताएका छन्। यसको सबैभन्दा ठूलो बजार चीन रहनेछ।
-एजेन्सी
