राष्ट्र बैंकको अनुसार नविल बैंक, एभरेष्ट बैंक, लक्ष्मी बैंक, प्राइम बैंक, एनएमबि बैंक, जनता बैंक र सानिमा बैंकले राष्ट्र बैंकमा बिवरण पठाएका हुन् ।
राष्ट्र बैंकले मौद्रिक नीति सार्वजनिक नगर्दै २२ वटा बैंकले मर्जरमा जाने प्रतिबद्धता जनाएका थिए । मौद्रिक नीतिमा मर्जर सम्बन्धी कठोर नीति नआएपछि बैंकहरु मर्जरबाट पछि हटेका थिए ।
पहिले मर्जरमा जाने प्रतिवद्धता नबुझाएका नविल र एभरेष्ट बैंकले पनि उपयुक्त जोडी खोजी भइरहेको भन्दै राष्ट्र बैंकमा पत्र पठाएको राष्ट्र बैंक श्राेतले बताएको छ ।
बैंकहरुले राष्ट्र बैंकमा बुझाएको मर्जरको प्रतिवद्धतापत्र अनुसार काम भइरहेको छ कि छैन भनेर प्रगति विवरण माग गरिएको हो । राष्ट्र बैंकले असार १२ गते पहिलाेपटक बैंकहरूसँग मर्जर प्रतिबद्धता माग गरेकाे थियाे । प्रतिबद्धता जनाएका बैंकसँग १० दिने समय दिएर प्रगति बिवरण मागिएकाे हाे ।
राष्ट्र बैंकका प्रवक्ता लक्ष्मी प्रपन्न निराैलाले बैंकको संचालक समितिले निर्णय गरेर पठाएको प्रतिबद्धता बैंकहरुले कार्यान्वयन गर्नु पर्ने बताए । राष्ट्र बैंकले वाणिज्य बैंकमा भएको क्रस होल्डिङ शेयरको विवरण प्राप्त गरिसकेको छ ।
