एनएमबि बैंकले ओम डेभलपमेन्ट बैंकलाई गाभ्ने सम्बन्धमा नेपाल राष्ट्र बैंकबाट असोज १ गते अन्तिम स्वीकृति पाएको थियो भने कम्पनी रजिष्ट्रारको कार्यालयबाट असोज ५ गते अनुमति पाएको थियो। सो पश्चात बैंकले शनिबारदेखि एकिकृत कारोबार सुरु गरेको हो।
एनएमबि र ओम १०० बराबर ७६ अनुपात स्वाप रेशियोमा मर्ज गरेका हुन् । मर्जरपश्चात एनएमबी बैंकको कूल शाखा संख्या १६३, एटिएम १२८ र एक्स्टेन्सन काउण्टर ५ वटा पुगेको छ।
एनएमबि बैंकको गत साउन २८ गते र ओमको साउन २७ गते सम्पन्न विशेष साधारण सभाले गाभ्ने/गाभिने प्रस्ताव पारित गरेका थिए। दुई बैंकबीच गत जेठ २ गते मर्जर तथा प्राप्ति सम्बन्धि सम्झौता पत्रमा हस्ताक्षर भएको थियो।
एनएमबि बैंकको चुक्ता पूँजी ९ अर्ब ६१ करोड रुपैयाँ र ओमको २ अर्ब ५१ करोड रुपैयाँ रहेको थियो। एकीकृत बैंकको चुक्ता पूँजी ११ अर्ब ५१ करोड रुपैयाँ पुगेको छ।