विदेशी पर्यटकलाई अनुमति दिँदै साउदी, वार्षिक १० करोड पर्यटक भित्र्याउने लक्ष्य

Sep 29, 2019 12:26 PM Agency



साउदी अरेबियाले पर्यटनलाई बढावा दिनका लागि विदेशी पर्यटकलाई अनुमति प्रदान गर्ने भएको छ । साउदीले शुक्रबार विदेशी पर्यटकलाई आफ्नो मुलुक भ्रमणका लागि अनुमति दिने घोषणा गरेको हो । 

साउदीले सन् २०३० सम्म वार्षिक १० करोड आन्तरिक र बाह्य पर्यटकको लक्ष्यसहित उक्त योजना अघि सारेको हो । 

अर्थतन्त्रमा तेलको निर्भरता कम गर्न साउदीले पर्यटन क्षेत्रलाई बढावा दिने योजना अघि बढाएको हो । साउदीले पर्यटनलाई आयको नयाँ माध्यम बनाउन चाहेको बताइएको छ । 

साउदीले ४९ मुलुकलाई भ्रमणको अनुमति दिँदै महिला पर्यटकको पोशाकका लागि पनि केही लचिलो नीति अपनाउने निर्णय गरेको हो । यि देशका नागरिकहरुका लागि अनलाइन टूरिस्ट भिसा आवेदन सुरु गरिने बताइएको छ ।

योभन्दा पहिले साउदीले केबल विदेशबाट जागिरका लागि जाने कामदार, उनीहरुका परिवारजन र मक्का मदिना जाने मुस्लिम तीर्थयात्रीहरुका लागि भिसा जारी गर्दै आएको थियो ।

साउदीका पर्यटनमन्त्री अहमद अल–खातीबले हालको यो निर्णय मुलुकका लागि ऐतिहासिक क्षण रहेको बताए । साउदीले आगामी दिनमा पर्यटन क्षेत्रमा विदेशी लगानी पनि बढ्न सक्ने अनुमान गरेको छ ।

योसँगै अब साउदीमा विदेशी महिला पर्यटकले पूरा शरीर ढाक्ने कपडा लगाउनु जरुरी हुने छैन । तर उनीहरूले भड्किलो खालको कपडा भने लगाउन पाउने छैनन् । मदिरा माथिको प्रतिबन्ध भने जारी नै रहने बताइएको छ । एजेन्सी 




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।