तेलको मूल्य अप्रत्याशित रुपमा बढ्ने साउदी अरेबियाको चेतावनी

Sep 30, 2019 02:55 PM Agency

ईरानका साथ चलिरहेको विवादका बीच साउदी अरेबियाका राजकुमार मोहम्मद बिन सलमानले ईरानलाई रोक्नका लागि दुनियाँको साथ नपाएमा तेलको मूल्य अप्रत्याशित रुपमा बढ्ने चेतावनी दिएका छन् ।

यसै महिनाको सुरुवातमा साउदीमा रहेको विश्वको सबैभन्दा ठूलो तेल कम्पनी अरामकोको दुईवटा प्रशोधन केन्द्रमा ड्रोन आक्रमण भएपछि प्रिन्स सलमानले उक्त चेतावनी दिएका हुन् । उक्त आक्रमणको जिम्मेवारी ईरान समर्थक हुथी विद्रोही समूहले लिएको थियो । उता अमेरिकाले पनि उक्त आक्रमणका लागि ईरान नै जिम्मेवार भएको बताउदै आइरहेको छ।

उनले पूरै विश्वका देशहरु ईरानका विरुद्धको कारबाहीमा शामेल हुनुपर्ने अन्यथा सबै देशले त्यसको नोक्सानी बेहोर्नुपर्ने बताएका छन् ।

अमेरिकाले ईरानका विरुद्ध लगाएको प्रतिबन्धमा पनि बढोत्तरी गरिदिएको छ । २० सेप्टेम्बरमा अमेरिकाले ईरानको केन्द्रीय बैंक र एउटा डेभलपमेन्ट फण्डलाई पनि प्रतिबन्धको दायरामा शामिल गरेको छ । साउदी तेल प्रशोधन केन्द्रमा भएको हमलापछि यो अमेरिकाको सबैभन्दा ठूलो कारबाही हो ।

साउदीको तेल प्रशोधन केन्द्रमा आक्रमण गरेर ईरानले युद्धको सुरुवात गरेपनि आफूले ईरानका साथ युद्धभन्दा राजनीतिक समाधान चाहेको सलमानले बताएका छन् । यदि युद्ध भएमा पूरै विश्वको अर्थव्यवस्था प्रभावित हुने उनले बताए । एजेन्सी


comments powered by Disqus

शेयर बजारको जानकारी अब 'एसएमएस' बाट पनि

Oct 17, 2019 08:29 PM

नेपाल स्टक एक्सचेञ्जको वेवसाइट, विभिन्न समाचार माध्यमका अलावा अब शेयर बजारबाट आफूले लिन चाहेको जानकारी एसएमएसबाट पनि प्राप्त गर्न सकिने भएको छ। शेयर बजारका लगानीकर्तालाई लगानी योजना बनाउन सजह हुने उदेश्यले मेरोलगानी डटकमले तोकिएको शुल्क तिरेर एसएमएस सेवा प्रदान गर्न थालेको हो।