बिहीबारको सुरुवाती कारोबारमा जापानको निक्केई २२५ सूचकमा २.२ प्रतिशतको गिरावट देखिएको छ भने अस्ट्रेलियाको एएसएक्स २०० सूचक २.१ प्रतिशतले घटेको छ ।
यसैगरी बेलायतको एफटीएसई १०० सूचक ३.२ प्रतिशतले घटेको छ । जबकि बुधबार अमेरिका र यूरोपको शेयर बजारमा पनि भारी गिरावट देखिएको थियो ।
अमेरिकाले ७ अर्ब ५० करोड डलर बराबरको यूरोपेली सामानमा शुल्क लगाएसँगै यसको असर विश्व शेयर बजारमा देखिएको बताइएको छ । यसबाट विश्व बजारका लगानीकर्ताहरुमा आर्थिक मन्दीको डर बढेको र यसबाट लगानीकर्ताहरु चिन्तित भएर शेयर बजारमा गिरावट देखिएको विश्लेषकहरुले बताएका छन् ।
यूरोपेली सामानमा शुल्क वृद्धिसँगै अमेरिका र यूरोपका बीच विश्व व्यापारमा एउटा अर्काे युद्धको सुरुवात हुनसक्ने बताइएको छ । एजेन्सी
