अर्थमन्त्री खतिवडाले भारतीय वित्तमन्त्रीसामू उठाए नोटबन्दीको मुद्धा

Oct 04, 2019 01:01 PM Merolagani

अर्थमन्त्री डा. युवराज खतिवडाले भारत सरकारले ठूला भारु नोटको सटहीमा प्रतिबन्द लगाएपछि देखिएका समस्याको सामाधानको लागि पहल गर्न भारतीय वित्तमन्त्री निर्मला सितारमणसँग आग्रह गरेका छन्। 

  भारतको वित्त मन्त्रालयमा बिहीबार भएको भेटवार्तामा खतिवडाले भारु ५०० र १ हजारका नोट प्रचलनमा बन्देज लगाउनु भन्दा पहिले नेपालमा मौज्दात भारु ५ करोडको सटही सम्बन्धमा देखिएको समस्या समाधानका लागि पहल गर्न सितारमणसँग अनुरोध गरेका हुन्।

अर्थमन्त्री खतिवडाले  भारतबाट नेपाल जाने व्यक्तिहरुले आफुसँग लैजान पाउने ठूला दरका भारु नोटहरु फर्काउने सम्बन्धमा द्धिविधा भएकाले त्यसलाई स्पष्ट हुने गरी आवश्यक सूचना जारी गरी समस्या सामाधान गर्न आग्रह गरे। 

भेटवातामा भारतका वित्तमन्त्री सितारमण विगतको भारु नोट प्रचलनमा भएको बन्देज र भारु नोट प्रयोगका क्रममा उत्पन्न समस्यालाई दुबै देशको सहमतिमा समाधान गरिने बताइन्।

 

अर्थमन्त्री खतिवडाले भेटको अवसरमा नेपाल इन्फ्रास्टकचर बैंकमा भारतीय लगानीकर्ताबाट समेत इक्विटीमा लगानी गर्नका लागि प्रकृया अघि बढीसकेकाले भारतले समेत सो कार्य अघि बढाउन आग्रह गरे।

नेपालको वैदेशिक व्यापारको दुईतिहाई हिस्सा भारतसँग भएको उल्लेख गर्दै अर्थमन्त्री खतिवडाले बढ्दो व्यापार घाटा सम्बोधन गर्न भारत सरकारबाट समेत सहयोगको हुनुपर्ने धारणा राखे।


comments powered by Disqus

चीन अमेरिका व्यापार युद्धः बेइजिङ्ग वासिङ्गटनसँग ‘जस्तालाई तस्तै’ गर्दै अघि बढ्यो

Dec 01, 2020 07:00 PM

चीनले ‘नियन्त्रित वस्तु’ हरुको निर्यातलाई प्रतिबन्ध लगाउने नयाँ कडा कानून ल्याएको छ। ती नियमहरुले सबैभन्दा पहिले मिलिटरी प्रविधिहरुमा केन्द्रित छ र अरु त्यस्ता वस्तुहरुसँग केन्द्रित छ, जसले चीनको राष्ट्रिय सुरक्षालाई नोक्सान पु¥याउन सक्छ।