आईपीओ निष्काशन गर्न कम्पनीले एनआईबिएल एस क्यापिटललाई धितोपत्र निष्काशन तथा बिक्री प्रबन्धकमा नियुक्त गरेको छ ।
शेयर निष्काशन सम्बन्धी सम्झौता—पत्रमा अजोड इन्स्योरेन्सको तर्फबाट नायव प्रमुख कार्यकारी अधिकृत सुरेन्द्र थापा र एनआईबिएल एस क्यापिटलको तर्फबाट नायव प्रमुख कार्यकारी अधिकृत मेखबहादुर थापाले हस्ताक्षर गरेका हुन् ।
सम्झौता अनुसार एनआईबिएल एस क्यापिटलले इन्स्योरेन्स कम्पनीको शेयर निष्काशन तथा बिक्री सम्बन्धी सम्पूर्ण कार्य गर्नेछ ।
आईपीओ निष्काशन गरेर सर्वसाधारणलाई वितरण गरेपछि इन्स्योरेन्सको चुक्ता पूँजी एक अर्ब पुग्ने छ । इन्स्योरेन्सको हाल अधिकृत पूँजी एक अर्ब, जारी पूँजी एक अर्ब र चुक्ता पूँजी ७० करोड रुपैयाँ छ ।
